Fótbolti

Andri Fannar byrjaði á að leggja upp

Sindri Sverrisson skrifar
Andri Fannar Baldursson lagði upp mark í dag.
Andri Fannar Baldursson lagði upp mark í dag. X-síða Elfsborg

Andri Fannar Baldursson var aðeins tíu mínútur að leggja upp mark í fyrstu umferð sænsku úrvalsdeildarinnar í fótbolta í dag.

Andri Fannar lagði upp mark fyrir Michael Baidoo í leik með Elfsborg gegn Värnamo í dag. Elfsborg komst í 2-0 á fyrsta hálftíma leiksins en niðurstaðan varð að lokum 2-2 jafntefli.

Andri, sem er 22 ára, kom til Elfsborg að láni frá Bologna á Ítalíu í ágúst í fyrra og verður áfram með liðinu, að minnsta kosti fram á sumar.

Eggert Aron Guðmundsson varð í vetur liðsfélagi Andra hjá Elfsborg en hefur átt við meiðsli að stríða og var ekki í leikmannahópi liðsins í dag.

Sænski boltinn

Tengdar fréttir

Mest lesið


Fleiri fréttir

Sjá meira


×

Mest lesið