Körfubolti

Gæti orðið fyrsta konan til að taka við liði í NBA

Ingvi Þór Sæmundsson skrifar
Lindsey Harding gæti orðið fyrsta konan til að taka við NBA-liði.
Lindsey Harding gæti orðið fyrsta konan til að taka við NBA-liði. getty/Lachlan Cunningham

Charlotte Hornets gæti brotið blað í NBA með því að vera fyrsta liðið í sögu deildarinnar til að ráða konu sem aðalþjálfara.

Samkvæmt ESPN ræddi Charlotte við Lindsey Harding um möguleikann á að taka við liðinu eftir tímabilið. Hún er þjálfari G-deildarliðs Stockton Kings og var valin þjálfari ársins í deildinni.

Harding, sem er 39 ára, var valin fyrst í nýliðavali WNBA deildarinnar 2007. Hún lék níu ár í deildinni áður en hún byrjaði að þjálfa. Hún þjálfaði hjá Philadelphia 76ers og Sacramento Kings í NBA áður en hún tók við Stockton Kings.

Steve Clifford er þjálfari Charlotte en færir sig í skrifstofuhlutverk hjá félaginu eftir tímabilið.

Auk Hardings hefur Charlotte rætt við aðstoðarþjálfara hjá Sacramento, Denver Nuggets, Boston Celtics og Phoenix Suns.

NBA

Mest lesið


Fleiri fréttir

Sjá meira


×

Mest lesið