Nóbels­verð­launa­hafinn Peter Higgs fallinn frá

Hann lést á heimili sínu í faðmi fjölskyldu sinnar í kjölfar bráðra veikinda.

Kenningar hans um tilvist þessarar bóseindar voru sannaðar af hópi eðlisfræðinga hjá Kjarnrannsóknastofnun Evrópu í Sviss. Nóbelsverðlaununum deilir hann með François Englert, belgískum eðlisfræðingi. Higgs-bóseindin myndar hluta líkans öreindarfræðinnar ásamt ljóseindum, rafeindum og kvörkum.

Hans var minnst hlýlega af samstarfsfélögum og eðlisfræðingum um allan heim.

„Brautryðjandi starf hans hefur veitt þúsundum vísindamanna innblástur og arfleið hans mun halda áfram að veita komandi kynslóðum innblástur,“ segir Peter Mathieson, rektor Háskólans í Edinborg þar sem hann starfaði stærsta hluta starfsævinnar.