Íslenski boltinn

Taka gamlar hetjur fram skóna í bikarnum í dag?

Valur Páll Eiríksson skrifar
Atli Guðnason í treyju FH.
Atli Guðnason í treyju FH. Vísir/Getty

FH-hetjurnar Steven Lennon og Atli Guðnason eru sagðar spila í Mjólkurbikar karla í fótbolta í kvöld með liði ÍH. Leikmennirnir hafa aftur á móti ekki fengið í gegn félagsskipti í morgunsárið.

Jón Páll Pálmason, þjálfari ÍH, greindi frá því á samfélagsmiðlunum X í gær að þessar tvær hetjur muni leiða línu liðsins er það mætir liði Hafna í Skessunni í Hafnarfirði í kvöld.

Lennon er 36 ára og hætti fótboltaiðkun eftir síðustu leiktíð og er að þjálfa yngri flokka hjá FH. Atli er þremur árum eldri og lagði skóna á hilluna árið 2020.

Leikurinn fer fram klukkan 16:30 í Skessunni í dag.

Uppfært kl. 9:00: Þeir Atli og Lennon eru enn skráðir leikmenn FH í kerfum KSÍ en félagsskiptaglugginn lokaði á miðnætti í gær. Því er spurning hvort þeir verði löglegir í leik dagsins.

Mjólkurbikar karla FH

Mest lesið


Fleiri fréttir

Sjá meira


×

Mest lesið