Ís­lenskar stjörnur flykkjast í sólina

Paraferð til Prag

Undanfarna daga hefur tónlistarmaðurinn Aron Can Gultekin notið veðurblíðunnar í Prag. Þar spókaði hann sig um götur bæjarins með sinni heittelskuðu, Ernu Maríu Björnsdóttur.

Menningarleg í Portúgal

Diljá Mist Einarsdóttir, lögfræðingur og alþingismaður fyrir Sjálfstæðisflokkinn í Reykjavíkurkjördæmi norður, og fjölskylda fóru til Portúgal. Þar hafa þau skoðað sig um á sögulegum slóðum í Almada, en þar má meðal annars sjá 110 metra hán stall með styttu af Jesús frá árinu 1959.

Rómans í Frakklandi

Kærustuparið Hildur Sif Hauksdóttir og Páll Orri Pálsson baða sig í sólinni við frönsku rívíeruna.

Hildur Sif og Páll hafa deilt fjölda mynda með fylgjendum sínum bæði í hringrásinni (e.story) á Instagram og birt myndir þar sem sjá má fallegt umhverfi, sólríkar stendur og bláan himin leika við þau við frönsku rívíeruna.

Skrautlegt ferðalag með börnin

Fjölmiðlamaðurinn Auðunn Blöndal og fjölskylda eru í fríi á Ítalíu, nánar tiltekið Rivadel Garda, í norðurhluta landsins.

„Að ferðast með börn er svolítið í ökkla eða eyra. Erum í eyra hérna núna,“ segir Auddi um ferðalagið sem virðist líflegt með tvo litla gaura.

Skvísuferð til Króatíu

Áhrifavaldarnir Sunneva Einars. Brynhildur Gunnlaugs og Tanja Ýr Ástþórdóttir njóta veðurblíðunnar í Króatíu í sannkallaðri skvísuferð. Af myndum að dæma gista þær í glæsilegri lúxusvillu. 

Sænsk sæla

Elísabet Gunnars tískudrottning fór á gamlar heimaslóðir í Svíþjóð þar sem sól og blár himinn tók á móti henni og fjölskyldunni.

Flúðu til Feneyja

Matarbloggarinn Linda Benediktsdóttir tók skyndiákvörðun, líkt og fjölmargir Íslendingar hafa gert síðastliðna daga, og fór með fjölskyldunni í frí til Feneyja á Ítalíu.

Mæðgnaferð til London

Skemmtikrafturinn Eva Ruza Miljevic skellti sér í mæðgnaferð til London í vikunni.

Vinaferð til Grikklands

Björn Boði Björnsdóttir Worldclass-erfingi og flugþjónn nýtur lífsins á grísku eyjunni Míkonos.

Næs í Nice

Tara Sif Birgisdóttir, fasteignasali og dansari, og eiginmaður hennar Elfar Elí Schweitz Jakobsson fóru í rómanstískt frí til Frakklands á dögunum.