Fagurgali kínverska sendiherrans Gunnar Hólmsteinn Ársælsson skrifar 1. ágúst 2024 19:01 Síðan He Rulong tók við sem sendiherra Kína á Íslandi í mars árið 2022 hefur hann verið iðinn við að skrifa greinar í Morgunblaðið. Þær hafa fengið fyrirsagnir eins og: Hughrif mín af Íslandi Byggjum saman fagra og farsæla veröld Ný tækifæri til sameiginlegrar framþróunar Sameinumst í þágu friðar um lausn á átökum Palestínu og Ísraels Siglum saman í gegnum ólgusjó átaka sem ógna öryggi mannkyns Hærra stig opnunar í Kína (sú nýjasta, birt í júlí 2024). Í þessum greinum fer Rulong meðal annars yfir samskipti Íslands og Kína á margan hátt, en löndin gerðu með sér fríverslunarsamning árið 2013 og segir He meðal annars að Kína sé mjög spennt fyrir íslenskum vörum. Þessi samningur er merkilegur fyrir þær sakir að hann er samningur frjáls og opins ríkis við mesta og stærsta alræðisríki heims. Samningsaðilar eru gjörólík lönd, eitt fámennasta land í heimi gegn fjölmennasta landi í heimi, 400.000 íbúar gegn 1,4 milljarðar manna. Í Kína er í raun einn maður, Xi Jinping, forseti þess, sem ræður öllu og enginn veit hvenær mun hætta að vera forseti. Greinar He Rulong eru áferðarfallegar og í anda vel skrifaðra áróðursgreina, en í þeirri nýjastu mærir hann niðurstöður ,,þriðja allsherjarfundar“ Kínverska kommúnistaflokksins, sem haldinn var fyrir skömmu með fulltrúum sem valdir voru til starfa árið 2022. Þrír fundir sem þessi eru haldnir á hverju fimm ára valdatímabili. Að mati fréttaskýrenda snerist þessi fundur nánast alfarið um forsetann og persónu hans. Í grein sem He skrifaði í ágúst 2022 fjallar hann um innrás Rússa í Úkraínu, en enn sem komið er hafa kínversk yfirvöld ekki fordæmt innrásina. Viðskipti Kína og Rússlands hafa hins vegar aldrei verið meiri, að því fram kemur á vef BBC. Í greininni segir He að Ísland hafi staðið sig vel í stuðningi við Úkraínu, en ræðir líka sendingar frá Kína til Úkraínu, meðal annars á mjólkurdufti. Orðrétt segir svo He í grein sinni: ,,Eins og Íslendingar hafa Kínverjar miklar áhyggjur af mannúðarmálum í Úkraínu og þeim skaða sem átökin valda almenningi...Kína mun halda áfram að veita Úkraínu viðeigandi aðstoð eftir þörfum.“ Mér vitanlega hefur sú aðstoð verið í algeru skötulíki, eða bara alls engin. Það vita hins vegar allir sem fylgjast með alþjóðamálum að Kína styður Rússa gegn Úkraínu með ráðum og dáð, í í raun á allan mögulegan hátt, nema með beinum vopnasendingum. Til dæmis er vitað að Kínverjar hafa skaffað Rússum bæði hráefni og tæknibúnað sem þeim stendur ekki til boða vegna viðskiptabanns vegna innrásarinnar. Þá kaupa Kínverjar gríðarlegt magn olíu af Rússum, sem talið er að nemi allt að helmingi útflutnings Rússa. Kína kaupir einnig að talið er um 40% af þeim kolum sem Rússar grafa upp. Kína er því lykilbandamaður Rússa í ólöglegu og viðurstyggilegu árásarstríði þeirra gegn Úkraínu. Því má segja að úkraínskt blóð sé á höndum kínverskra ráðamanna. Fróðlegt væri að heyra He segja sína (les: hlið Kína) á þessum málum. Af hverju er Kína að styðja Rússa í því að sölsa undir sig landsvæði Úkraínu og í því að myrða þar saklausa borgara, börn, gamalmenni, ráðast á skóla, sjúkrahús og álíka? Hvaða hag hefur Kína af slíkum stuðningi? Vladimír Pútin og Xi Jinping hafa hist meira en 40 sinnum. Þeir virðast vera í mjög nánu sambandi og styðja hvor annan með ráðum og dáð. Einskonar ,,bestu-vinir-aðal“, en samanlagt kúga þessir tveir menn meira en einn og hálfan milljarð manna og í báðum löndunum er mannréttindi fótum troðin. Er það hluti af utanríkisstefnu Kína að halda áfram að styðja Vladimír Pútín til áframhaldandi illverka í Úkraínu og heyja stríð sem hefur það markmið að útrýma úkraínsku þjóðinni? Ætlar Kína að vera hluti af þeirri áætlun? Íslensk stjórnvöld ættu að mínu mati að mótmæla harðlega þessari afstöðu Kína og stuðningi þeirra við grimmdarverk Rússa gegn Úkraínsku þjóðinni. Allt hjal He Rulong um bætt samskipti Íslands og Kína í greinum í Morgunblaðinu er bara fagurgali á meðan á stuðningi þeirra við Rússa stendur yfir. Ísland, sem herlaus og friðelskandi þjóð, kaupir ekki slíkt. Það verður því ekki til nein ,,fögur og farsæl veröld“ á meðan Kínverjar halda áfram að vera helsti stuðningsaðili Rússa í kolólöglegu árásarstríði þeirra gegn sjálfstæðri og fullvalda Úkraínu. Höfundur er stjórnmálafræðingur og framhaldsskólakennari. Viltu birta grein á Vísi? Sendu okkur póst. Senda grein Kína Innrás Rússa í Úkraínu Mest lesið Konur sem stinga hvor aðra í bakið Sigríður Svanborgardóttir Skoðun Sameining sem eflir íslenskan landbúnað Egill Gautason Skoðun Það er list að lifa með krabbameini Hlíf Steingrímsdóttir Skoðun Um kynjafræði og pólítík Hanna Björg Vilhjálmsdóttir Skoðun Fjölbreytileiki er styrkleiki Guðmundur Ingi Kristinsson Skoðun Eitt spilakort, betri spilamenning – er skaðaminnkandi Ingvar Örn Ingvarsson Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Við fylgjum þér frá getnaði til grafar Benedikt S. Benediktsson Skoðun Skoðun Skoðun Eitt spilakort, betri spilamenning – er skaðaminnkandi Ingvar Örn Ingvarsson skrifar Skoðun Sameining sem eflir íslenskan landbúnað Egill Gautason skrifar Skoðun Konur sem stinga hvor aðra í bakið Sigríður Svanborgardóttir skrifar Skoðun Fjölbreytileiki er styrkleiki Guðmundur Ingi Kristinsson skrifar Skoðun Það er list að lifa með krabbameini Hlíf Steingrímsdóttir skrifar Skoðun Um kynjafræði og pólítík Hanna Björg Vilhjálmsdóttir skrifar Skoðun Við fylgjum þér frá getnaði til grafar Benedikt S. Benediktsson skrifar Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason skrifar Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson skrifar Skoðun Konur á örorku Sigríður Ingibjörg Ingadóttir,Steinunn Bragadóttir skrifar Skoðun Drambið okkar Júlíus Valsson skrifar Skoðun Við vitum Guðrún Jónsdóttir skrifar Skoðun Ekki sama hvaðan gott kemur Magnea Gná Jóhannsdóttir skrifar Skoðun Börn í meðferð eiga rétt á fagfólki orð duga ekki lengur! Steindór Þórarinsson skrifar Skoðun Greindarskerðing eða ofurgáfur með gervigreind Björgmundur Örn Guðmundsson skrifar Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar Skoðun Stöndum saman gegn fjölþáttaógnum Bryndís Haraldsdóttir skrifar Skoðun Hagræðing á kostnað fjölbreytni og gæðamenntunar Ida Marguerite Semey skrifar Skoðun Umbúðir en ekkert innihald í Hafnarfirði Einar Geir Þorsteinsson skrifar Skoðun Við viljum tala íslensku, en hvernig Ólafur Guðsteinn Kristjánsson skrifar Skoðun Mansalsmál á Íslandi Kristján Þórður Snæbjarnarson skrifar Skoðun Hættur heimsins virða engin landamæri Tótla I. Sæmundsdóttir skrifar Skoðun Tímamót í sjálfsvígsforvörnum Ingibjörg Isaksen skrifar Skoðun Yfirgangur, yfirlæti og endastöð Strætó Axel Hall skrifar Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Sjá meira
Síðan He Rulong tók við sem sendiherra Kína á Íslandi í mars árið 2022 hefur hann verið iðinn við að skrifa greinar í Morgunblaðið. Þær hafa fengið fyrirsagnir eins og: Hughrif mín af Íslandi Byggjum saman fagra og farsæla veröld Ný tækifæri til sameiginlegrar framþróunar Sameinumst í þágu friðar um lausn á átökum Palestínu og Ísraels Siglum saman í gegnum ólgusjó átaka sem ógna öryggi mannkyns Hærra stig opnunar í Kína (sú nýjasta, birt í júlí 2024). Í þessum greinum fer Rulong meðal annars yfir samskipti Íslands og Kína á margan hátt, en löndin gerðu með sér fríverslunarsamning árið 2013 og segir He meðal annars að Kína sé mjög spennt fyrir íslenskum vörum. Þessi samningur er merkilegur fyrir þær sakir að hann er samningur frjáls og opins ríkis við mesta og stærsta alræðisríki heims. Samningsaðilar eru gjörólík lönd, eitt fámennasta land í heimi gegn fjölmennasta landi í heimi, 400.000 íbúar gegn 1,4 milljarðar manna. Í Kína er í raun einn maður, Xi Jinping, forseti þess, sem ræður öllu og enginn veit hvenær mun hætta að vera forseti. Greinar He Rulong eru áferðarfallegar og í anda vel skrifaðra áróðursgreina, en í þeirri nýjastu mærir hann niðurstöður ,,þriðja allsherjarfundar“ Kínverska kommúnistaflokksins, sem haldinn var fyrir skömmu með fulltrúum sem valdir voru til starfa árið 2022. Þrír fundir sem þessi eru haldnir á hverju fimm ára valdatímabili. Að mati fréttaskýrenda snerist þessi fundur nánast alfarið um forsetann og persónu hans. Í grein sem He skrifaði í ágúst 2022 fjallar hann um innrás Rússa í Úkraínu, en enn sem komið er hafa kínversk yfirvöld ekki fordæmt innrásina. Viðskipti Kína og Rússlands hafa hins vegar aldrei verið meiri, að því fram kemur á vef BBC. Í greininni segir He að Ísland hafi staðið sig vel í stuðningi við Úkraínu, en ræðir líka sendingar frá Kína til Úkraínu, meðal annars á mjólkurdufti. Orðrétt segir svo He í grein sinni: ,,Eins og Íslendingar hafa Kínverjar miklar áhyggjur af mannúðarmálum í Úkraínu og þeim skaða sem átökin valda almenningi...Kína mun halda áfram að veita Úkraínu viðeigandi aðstoð eftir þörfum.“ Mér vitanlega hefur sú aðstoð verið í algeru skötulíki, eða bara alls engin. Það vita hins vegar allir sem fylgjast með alþjóðamálum að Kína styður Rússa gegn Úkraínu með ráðum og dáð, í í raun á allan mögulegan hátt, nema með beinum vopnasendingum. Til dæmis er vitað að Kínverjar hafa skaffað Rússum bæði hráefni og tæknibúnað sem þeim stendur ekki til boða vegna viðskiptabanns vegna innrásarinnar. Þá kaupa Kínverjar gríðarlegt magn olíu af Rússum, sem talið er að nemi allt að helmingi útflutnings Rússa. Kína kaupir einnig að talið er um 40% af þeim kolum sem Rússar grafa upp. Kína er því lykilbandamaður Rússa í ólöglegu og viðurstyggilegu árásarstríði þeirra gegn Úkraínu. Því má segja að úkraínskt blóð sé á höndum kínverskra ráðamanna. Fróðlegt væri að heyra He segja sína (les: hlið Kína) á þessum málum. Af hverju er Kína að styðja Rússa í því að sölsa undir sig landsvæði Úkraínu og í því að myrða þar saklausa borgara, börn, gamalmenni, ráðast á skóla, sjúkrahús og álíka? Hvaða hag hefur Kína af slíkum stuðningi? Vladimír Pútin og Xi Jinping hafa hist meira en 40 sinnum. Þeir virðast vera í mjög nánu sambandi og styðja hvor annan með ráðum og dáð. Einskonar ,,bestu-vinir-aðal“, en samanlagt kúga þessir tveir menn meira en einn og hálfan milljarð manna og í báðum löndunum er mannréttindi fótum troðin. Er það hluti af utanríkisstefnu Kína að halda áfram að styðja Vladimír Pútín til áframhaldandi illverka í Úkraínu og heyja stríð sem hefur það markmið að útrýma úkraínsku þjóðinni? Ætlar Kína að vera hluti af þeirri áætlun? Íslensk stjórnvöld ættu að mínu mati að mótmæla harðlega þessari afstöðu Kína og stuðningi þeirra við grimmdarverk Rússa gegn Úkraínsku þjóðinni. Allt hjal He Rulong um bætt samskipti Íslands og Kína í greinum í Morgunblaðinu er bara fagurgali á meðan á stuðningi þeirra við Rússa stendur yfir. Ísland, sem herlaus og friðelskandi þjóð, kaupir ekki slíkt. Það verður því ekki til nein ,,fögur og farsæl veröld“ á meðan Kínverjar halda áfram að vera helsti stuðningsaðili Rússa í kolólöglegu árásarstríði þeirra gegn sjálfstæðri og fullvalda Úkraínu. Höfundur er stjórnmálafræðingur og framhaldsskólakennari.
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Skoðun Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir skrifar
Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson skrifar
Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson skrifar
Skoðun Hugsum fíknivanda upp á nýtt - Ný nálgun í meðhöndlun fíknivanda og áhættuhegðunar Svala Jóhannesdóttir,Lilja Sif Þorsteinsdóttir skrifar
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun