Fengu á sig svekkjandi jöfnunarmark í uppbótatíma

Liðin gerðu á endanum 1-1 jafntefli eftir að Djurgården skoraði jöfnunarmarkið á þriðju mínútu í uppbótatíma.

Leikurinn átti að byrja klukkan tólf en veður setti strik í reikninginn og leiknum var frestað um klukkutíma. Stuðningsmenn gestaliðsins létu það hins vegar ekkert á sig fá og héldu uppi stemningunni í stúkunni á meðan.

Óvíst var hvort leikurinn gæti farið fram en það stytti á endanum upp og hann hófst rétt rúmum klukkutíma á eftir áætlun.

Thomas Santos kom Gautaborgarliðinu í 1-0 á 59. mínútu og þannig var staðan í meira en hálftíma.

Adam Stahl jafnaði hins vegar fyrir Djurgården í lok leiksins og tryggði liðinu stig.

Kolbeinn spilaði allan leikinn á miðjunni og fékk gult spjald á 23. mínútu.