Banda­ríkin í úr­slit eftir framlengdan leik

Þýska liðið var án þeirra Alexöndru Popp og Leu Schuller og því var ljóst að verkefnið yrði erfitt fyrir þær þýsku.

Badaríska liðið skapaði sér hættulegri færi í leiknum. Inn vildi boltinn þó ekki, hvorki í fyrri né seinni hálfleik, og niðurstaðan því markalaust jafntefli að loknum venjulegum leiktíma og uppbótartíma.

Því þurfti að grípa til framlengingar til að skera úr um sigurvegara.

Þar reyndust bandarísku stelpurnar sterkari og Sophia Smith kom liðinu yfir á 95. mínútu eftir stoðsendingu frá Mallory Swanson. Reyndist það eina mark leiksins og Bandaríkin fögnuði því 1-0 sigri og sæti í úrslitum gegn annað hvort Brasilíu eða Spáni um leið.

Þjóðverjar þurfa hins vegar að gera sér það að góðu að leika um brons.