Blöskrar myndbirting: „Er enginn fullorðinn sem vinnur þarna?“ Kolbeinn Tumi Daðason skrifar 27. ágúst 2024 11:17 Dagur B. Eggertsson er þungt hugsi eftir umfjöllun Morgunblaðsins um orlofsgreiðslur og skrif blaðsins um Dag í Staksteinum. Vísir/Einar Dagur B. Eggertsson forseti borgarráðs er verulega ósáttur við myndbirtingu af sér í Morgunblaðinu í dag. Hann sendir „aðstandendum Morgunblaðsins“ innilegustu samúðarkveðjur. Morgunblaðið greindi frá því um miðjan ágúst að Dagur hefði fengið ógreitt orlof upp á tæpar tíu milljónir króna vegna uppsafnaðs leyfis sem hann hefði ekki átt tök á að nýta í starfi borgarstjóra. Dagur lét af störfum sem borgarstjóri um áramótin eftir tíu ára starf. Hann hefur sagt að greiðslan sé fyrir 48 orlofsdaga sem nái þá eitt og hálft ár aftur í tímann, miðað við þrjátíu daga orlofsrétt. Dagur tjáði sig um umfjöllun Morgunblaðsins á föstudag. Blaðið sé í allt öðrum leiðangri „Ef Morgunblaðið væri eðlilegt blað sem ynni eftir siðareglum og hefðbundnum faglegum viðmiðum í blaðamennsku hefði það þegar í gærkvöld leiðrétt fréttir sínar um að orlofsmál mín væru einstök eftir að RÚV birti frétt sína og gögn um orlofsuppgjör annarra sveitarstjóra og forsætisráðherra. Blaðið hefði í síðasta lagi átt að gera það í morgun. Að fenginn reynslu geri ég mér engar vonir um það. Ritstjórn blaðsins hefur fyrir löngu vikið til hliðar þessum vinnubrögðum sem myndu kalla á skýrar leiðréttingar á forsíðu – þar sem fréttin birtist í helgarblaðinu um að mál mitt væri einsdæmi. Blaðið er í allt öðrum leiðangri og hann tengist ekki blaðamennsku,“ sagði Dagur fyrir helgi. „Fréttir Morgunblaðsins síðustu daga og vinnubrögðin þeim að baki undirstrika einnig að það er mikilvægt að aðrir fjölmiðlar og almenningur átti sig á því að þetta gamla blað er breytt. Það er ekki hægt að taka upp eða vísa í umfjöllun blaðsins um mál sem tengjast pólitík eða þjóðmálum án þess að gera sjálfstæða athugun á heimildum eða efnisatriðum. Því miður eru líkur á að þetta muni frekar versna en batna nú í aðdraganda þingkosninga.“ „Yfirgengilega orlofssugan“ Í leiðara Morgunblaðsins á föstudag var Dagur kallaður „yfirgengilega orlofssugan“. „Getum við virkilega ekki staðið saman um að uppnefni eigi ekki heima í opinberri umræðu? Eða aðrir verstu siðir sem sjást í stjórnmálaumræðu heimsins. Lesendur og almenningur hljóta að þurfa að taka afstöðu til þess. Og við þurfum að svara því: viljum við virkilega flytja inn svona umræðu-ósiði til Íslands?“ Hann segir Morgunblaðið gjörbreytt frá því sem áður var og beinir þar spjótum sínum að ritstjórunum Davíð Oddssyni og Haraldi Johannessen. „Ritstjórnargreinar, leiðarar og Staksteinar eru á vægast sagt lágu plani og það sem verra er: Í ákveðnum tegundum frétta og umfjöllunar blasir við að blaðið hefur ýtt faglegum og hefðbundnum vinnubrögðum blaðamennsku til hliðar í þágu pólitískra markmiða og til að þjóna lund og ólund ritstjóra og lítils hóps blaðamanna sem eitra út frá sér. Ég finn til með fagfólkinu sem er sannarlega fjölmargt og vinnur enn á blaðinu. Það hlýtur að hugsa sitt.“ Eldrauður með epli í munni Dagur var meðal þeirra sem hljóp í Reykjavíkurmaraþoninu um helgina. Hann greinir frá því í færslu á Facebook í morgun að mynd sem hann birti á Facebook um helgina hafi verið birt með Staksteinum dagsins. Líkast til honum til háðungar. „Morgunblaðið er staðráðnara en nokkru sinni fyrr í að verða að athlægi og verður hlægilegra og hlægilegra með hverjum deginum. Í staðinn fyrir að leiðrétta (vísvitandi?) rangar fréttir sínar um orlofsmál í samræmi við hefðbundin vinnubrögð í blaðamennsku og siðareglur Blaðamannafélagsins nær hallærisgangurinn nýjum hæðum í blaði dagsins,“ segir Dagur. „Mogginn tekur mynd sem ég birti á facebook um helgina - sjálfum mér og vinum mínum til skemmtunar - þar sem ég var að borða epli, eldrauður í framan, nýkominn í mark eftir Reykjavíkurmaraþonið. Ég notaði þau orð að fólk þyrfti að passa sig á að borða ekki epli á myndum og líkti sjálfum mér við teiknimyndahetjuna Shrek.“ Dagur birtir myndina á Facebook-fylgjendum sínum til upplýsinga. „Mogginn tók þessa mynd ófrjálsri hendi, klippti vini mína út af henni og birtir hana án skýringa í dag með Staksteinum! Það á væntanlega að vera mér til háðungar. Óskaplega líður blaðinu illa. Er enginn fullorðinn með fullu viti sem vinnur þarna?“ Hann segir myndbirtinguna eitt af mörgu sem undirstriki það niðurlægingarskeið sem þetta gamla blað sé að ganga í gegnum. „Ónefnin og lágkúran í leiðurum er annar kapituli. En svo hugsað sé í lausnum: Kannski á myndasmiðurinn að fá greitt fyrir þessa myndbirtingu? Veit einhver um það? Væri alla vega sniðugt ef sú greiðsla gæti runnið til Unicef og í neyðarsöfnun vegna barnanna á Gaza en ég hljóp til styrktar þeim á laugardaginn. Aðstandendum Morgunblaðsins sendi ég mínar innilegustu samúðarkveðjur.“ Fjölmiðlar Borgarstjórn Reykjavík Mest lesið Fimm handteknir í aðgerðum sérsveitar Innlent Kynnir stríðsmálaráðuneytið til leiks Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Stefna um mikla og hraða fólksfjölgun „alið á stéttaskiptingu á Íslandi“ Innlent Vegurinn yfir Kjöl gerir ferðalöngum lífið leitt Innlent „Ekkert óeðlilegt við það að endurskoða þetta kerfi“ Innlent Tveir á sjúkrahús eftir harðan árekstur Innlent Öryrkjar í hlutastarfi oft tekjuhærri en fólk í fullu starfi Innlent Ættum að fara varlega í orkudrykki með sætuefnum Innlent Sérsveitin vaktaði heimili Snorra og fjölskyldu í nótt Innlent Fleiri fréttir „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Stefna um mikla og hraða fólksfjölgun „alið á stéttaskiptingu á Íslandi“ Fimm handteknir í aðgerðum sérsveitar Ættum að fara varlega í orkudrykki með sætuefnum „Mér fannst þetta vera svolítil vonbrigði“ Allt tiltækt slökkvilið kallað út vegna elds í íbúð Hefur sætt umsáturseinelti í 14 ár: „Þetta hefur bara rústað lífi mínu“ Öryrkjar í hlutastarfi oft tekjuhærri en fólk í fullu starfi Ofsótt af eltihrelli sem enn gengur laus Kvenmannshár í farangurshlera reyndist vera hrekkjavökuskraut Formannsslagur í vændum hjá Ungu jafnaðarfólki Móðirin á Edition gengur laus Fjórðungur drekki orkudrykki daglega Líkur á nýju eldgosi meiri í seinni hluta september Boða mann til landsins vegna líkamsárásar þegar hann var sextán ára Snorri rýfur þögnina: Viðbrögðin staðfesti áhyggjur af þöggun „Fáum enn á borð til okkar atriði sem maður missir hökuna yfir“ Stjórn Samtakanna ´78 fordæmir hótanir í garð Snorra og fjölskyldu Feðgar alsælir með fyrsta rafmagnsvörubílinn Segir ómögulegt að spá fyrir um kostnað vegna starfslokanna Jarðskjálfti að stærð 3,7 í norðvestanverðri öskju Bárðarbungu Vildi enga „lobbýista“ í nýskipað atvinnustefnuráð „Ætlar þú að græða á spilafíklum? Bara svo Excel og bankinn líti vel út?“ „Við viljum að fjölskyldan fari saman heim“ Innkalla Ashwagandha vegna mögulegs jarðhnetusmits Forsætisráðherra segir tíma stórframkvæmda runninn upp Sérsveitin vaktaði heimili Snorra og fjölskyldu í nótt Engan sakaði þegar eldur kviknaði í bát út af Tjörnesi Sjá meira
Morgunblaðið greindi frá því um miðjan ágúst að Dagur hefði fengið ógreitt orlof upp á tæpar tíu milljónir króna vegna uppsafnaðs leyfis sem hann hefði ekki átt tök á að nýta í starfi borgarstjóra. Dagur lét af störfum sem borgarstjóri um áramótin eftir tíu ára starf. Hann hefur sagt að greiðslan sé fyrir 48 orlofsdaga sem nái þá eitt og hálft ár aftur í tímann, miðað við þrjátíu daga orlofsrétt. Dagur tjáði sig um umfjöllun Morgunblaðsins á föstudag. Blaðið sé í allt öðrum leiðangri „Ef Morgunblaðið væri eðlilegt blað sem ynni eftir siðareglum og hefðbundnum faglegum viðmiðum í blaðamennsku hefði það þegar í gærkvöld leiðrétt fréttir sínar um að orlofsmál mín væru einstök eftir að RÚV birti frétt sína og gögn um orlofsuppgjör annarra sveitarstjóra og forsætisráðherra. Blaðið hefði í síðasta lagi átt að gera það í morgun. Að fenginn reynslu geri ég mér engar vonir um það. Ritstjórn blaðsins hefur fyrir löngu vikið til hliðar þessum vinnubrögðum sem myndu kalla á skýrar leiðréttingar á forsíðu – þar sem fréttin birtist í helgarblaðinu um að mál mitt væri einsdæmi. Blaðið er í allt öðrum leiðangri og hann tengist ekki blaðamennsku,“ sagði Dagur fyrir helgi. „Fréttir Morgunblaðsins síðustu daga og vinnubrögðin þeim að baki undirstrika einnig að það er mikilvægt að aðrir fjölmiðlar og almenningur átti sig á því að þetta gamla blað er breytt. Það er ekki hægt að taka upp eða vísa í umfjöllun blaðsins um mál sem tengjast pólitík eða þjóðmálum án þess að gera sjálfstæða athugun á heimildum eða efnisatriðum. Því miður eru líkur á að þetta muni frekar versna en batna nú í aðdraganda þingkosninga.“ „Yfirgengilega orlofssugan“ Í leiðara Morgunblaðsins á föstudag var Dagur kallaður „yfirgengilega orlofssugan“. „Getum við virkilega ekki staðið saman um að uppnefni eigi ekki heima í opinberri umræðu? Eða aðrir verstu siðir sem sjást í stjórnmálaumræðu heimsins. Lesendur og almenningur hljóta að þurfa að taka afstöðu til þess. Og við þurfum að svara því: viljum við virkilega flytja inn svona umræðu-ósiði til Íslands?“ Hann segir Morgunblaðið gjörbreytt frá því sem áður var og beinir þar spjótum sínum að ritstjórunum Davíð Oddssyni og Haraldi Johannessen. „Ritstjórnargreinar, leiðarar og Staksteinar eru á vægast sagt lágu plani og það sem verra er: Í ákveðnum tegundum frétta og umfjöllunar blasir við að blaðið hefur ýtt faglegum og hefðbundnum vinnubrögðum blaðamennsku til hliðar í þágu pólitískra markmiða og til að þjóna lund og ólund ritstjóra og lítils hóps blaðamanna sem eitra út frá sér. Ég finn til með fagfólkinu sem er sannarlega fjölmargt og vinnur enn á blaðinu. Það hlýtur að hugsa sitt.“ Eldrauður með epli í munni Dagur var meðal þeirra sem hljóp í Reykjavíkurmaraþoninu um helgina. Hann greinir frá því í færslu á Facebook í morgun að mynd sem hann birti á Facebook um helgina hafi verið birt með Staksteinum dagsins. Líkast til honum til háðungar. „Morgunblaðið er staðráðnara en nokkru sinni fyrr í að verða að athlægi og verður hlægilegra og hlægilegra með hverjum deginum. Í staðinn fyrir að leiðrétta (vísvitandi?) rangar fréttir sínar um orlofsmál í samræmi við hefðbundin vinnubrögð í blaðamennsku og siðareglur Blaðamannafélagsins nær hallærisgangurinn nýjum hæðum í blaði dagsins,“ segir Dagur. „Mogginn tekur mynd sem ég birti á facebook um helgina - sjálfum mér og vinum mínum til skemmtunar - þar sem ég var að borða epli, eldrauður í framan, nýkominn í mark eftir Reykjavíkurmaraþonið. Ég notaði þau orð að fólk þyrfti að passa sig á að borða ekki epli á myndum og líkti sjálfum mér við teiknimyndahetjuna Shrek.“ Dagur birtir myndina á Facebook-fylgjendum sínum til upplýsinga. „Mogginn tók þessa mynd ófrjálsri hendi, klippti vini mína út af henni og birtir hana án skýringa í dag með Staksteinum! Það á væntanlega að vera mér til háðungar. Óskaplega líður blaðinu illa. Er enginn fullorðinn með fullu viti sem vinnur þarna?“ Hann segir myndbirtinguna eitt af mörgu sem undirstriki það niðurlægingarskeið sem þetta gamla blað sé að ganga í gegnum. „Ónefnin og lágkúran í leiðurum er annar kapituli. En svo hugsað sé í lausnum: Kannski á myndasmiðurinn að fá greitt fyrir þessa myndbirtingu? Veit einhver um það? Væri alla vega sniðugt ef sú greiðsla gæti runnið til Unicef og í neyðarsöfnun vegna barnanna á Gaza en ég hljóp til styrktar þeim á laugardaginn. Aðstandendum Morgunblaðsins sendi ég mínar innilegustu samúðarkveðjur.“
Fjölmiðlar Borgarstjórn Reykjavík Mest lesið Fimm handteknir í aðgerðum sérsveitar Innlent Kynnir stríðsmálaráðuneytið til leiks Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Stefna um mikla og hraða fólksfjölgun „alið á stéttaskiptingu á Íslandi“ Innlent Vegurinn yfir Kjöl gerir ferðalöngum lífið leitt Innlent „Ekkert óeðlilegt við það að endurskoða þetta kerfi“ Innlent Tveir á sjúkrahús eftir harðan árekstur Innlent Öryrkjar í hlutastarfi oft tekjuhærri en fólk í fullu starfi Innlent Ættum að fara varlega í orkudrykki með sætuefnum Innlent Sérsveitin vaktaði heimili Snorra og fjölskyldu í nótt Innlent Fleiri fréttir „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Stefna um mikla og hraða fólksfjölgun „alið á stéttaskiptingu á Íslandi“ Fimm handteknir í aðgerðum sérsveitar Ættum að fara varlega í orkudrykki með sætuefnum „Mér fannst þetta vera svolítil vonbrigði“ Allt tiltækt slökkvilið kallað út vegna elds í íbúð Hefur sætt umsáturseinelti í 14 ár: „Þetta hefur bara rústað lífi mínu“ Öryrkjar í hlutastarfi oft tekjuhærri en fólk í fullu starfi Ofsótt af eltihrelli sem enn gengur laus Kvenmannshár í farangurshlera reyndist vera hrekkjavökuskraut Formannsslagur í vændum hjá Ungu jafnaðarfólki Móðirin á Edition gengur laus Fjórðungur drekki orkudrykki daglega Líkur á nýju eldgosi meiri í seinni hluta september Boða mann til landsins vegna líkamsárásar þegar hann var sextán ára Snorri rýfur þögnina: Viðbrögðin staðfesti áhyggjur af þöggun „Fáum enn á borð til okkar atriði sem maður missir hökuna yfir“ Stjórn Samtakanna ´78 fordæmir hótanir í garð Snorra og fjölskyldu Feðgar alsælir með fyrsta rafmagnsvörubílinn Segir ómögulegt að spá fyrir um kostnað vegna starfslokanna Jarðskjálfti að stærð 3,7 í norðvestanverðri öskju Bárðarbungu Vildi enga „lobbýista“ í nýskipað atvinnustefnuráð „Ætlar þú að græða á spilafíklum? Bara svo Excel og bankinn líti vel út?“ „Við viljum að fjölskyldan fari saman heim“ Innkalla Ashwagandha vegna mögulegs jarðhnetusmits Forsætisráðherra segir tíma stórframkvæmda runninn upp Sérsveitin vaktaði heimili Snorra og fjölskyldu í nótt Engan sakaði þegar eldur kviknaði í bát út af Tjörnesi Sjá meira