„Við sáum átta metra ofan í jörðina“ Elín Margrét Böðvarsdóttir skrifar 9. september 2024 20:02 Fannar Jónasson bæjarstjóri í Grindavík horfir átta metra niður í jörðina af brún sprungunnar sem liggur í gegnum Hópið. Vísir/Sigurjón Sprungan sem liggur í gegnum Hópið í Grindavík nær niður á grunnvatn, allt að þrettán metra niður í jörðina. Ekki er öruggt að vera í húsinu og þarf þónokkur vinna að fara fram áður en hægt yrði að hleypa fólki þar inn. Bæjarfulltrúar kynntu sér aðstæður í skemmdum byggingum í Grindavík í dag og menningarmiðstöðin Kvikan var opin í fyrsta sinn í tíu mánuði. Fram kom í fréttum Stöðvar 2 í gær að ákveðið hafi verið að fresta niðurrifi íþróttamiðstöðvarinnar Hópsins í Grindavík, með það fyrir augum að mögulega breyta húsinu í safn. Í dag gafst bæjarstjóra og öðrum bæjarfulltrúum tækifæri til að kynna sér aðstæður í húsinu, og það í öryggislínu í fylgd öryggisstjóra. „Það gafst kostur á því að fara hérna út á brúnina í öryggisbúnaði og líta ofan í þetta. Við sáum þarna átta metra ofan í jörðina og annars staðar í húsinu er dýptin þrettán metrar og nær niður í grunnvatn. Þannig þetta var mjög sérstök upplifun að koma hingað og fá að skoða þetta,“ segir Fannar Jónasson bæjarstjóri í Grindavík. „Það er eiginlega bara mjög sérkennileg tilfinning að sjá þessa miklu bergstuðla sem eru þarna fyrir neðan og geta einhvern veginn áttað sig á því með eigin augum hvað þetta hefur gliðnað mikið og hvað átökin hafa verið mikil, enda er húsið náttúrlega vel laskað fyrir bragðið,“ segir Fannar. Í tilkynningu frá lögreglunni á Suðurnesjum í dag segir að Hópið sé ekki öruggt fyrir fólk miðað við ástand hússins í dag. Það verði ekki hægt „nema húsið verði metið öruggt af þar til bærum aðilum.“ Þá er talin töluverð hætta á jarðfalli ofan í sprungur og sprunguhreyfingum, en landris er hafið að nýju á svæðinu. Líkt og áður segir stóð að rífa húsið, meðal annars af öryggissjónarmiðum, áður en því var slegið á frest. Eru aðstæður breyttar hvað það varðar? „Nei það þarf að styrkja húsið. Það þarf að loka hérna gaflinum og passa upp á það að stálgrindin, að hún sé í nógu góðu lagi til að halda uppi þessu mannvirki. Þannig það er næsta verk að kanna það betur,“ svarar Fannar. Svo djúp er sprungan að varla sést til botns þótt lýst sé niður í hana.Vísir/Sigurjón „Það var ákveðið alla veganna að bíða með það að farga húsinu. Það verður ekki aftur tekið ef að mönnum sýnist kannski að það hefði verið hægt að nota þetta eða það kæmi til með að vera góður sýningargripur hérna. Og sprungan þessi stóra hún er varin fyrir veðri og vindum, þannig að það er nú eitt af því sem þarf að huga að ef það á að hafa einhvers konar sýningarsvæði hér innan bæjar og þetta er auðvitað kannski tækifæri til þess. En málið er ekki komið lengra en þetta en við ætlum ekki að farga því að svo komnu.“ Fannar Jónasson bæjarstjóri kynnti sér aðstæður í Hópinu ásamt bæjarfulltrúum í dag.Vísir/Sigurjón Næst lá leiðin yfir á hjúkrunarheimilið Víðihlíð sem varð verulega illa úti í jarðhræringum þann tíunda nóvember í fyrra. Íbúðin sem sjá má á meðfylgjandi myndum skemmdist hvað mest en íbúi sem var heima slapp með skrekkinn þegar skjálftinn reið yfir. Íbúðin á hjúkrunarheimilinu Víðihlíð er verulega illa farin.Vísir/Sigurjón Þá eru skemmdirnar á viðbyggingu við eldri hluta hússins gríðarlegar. „Viðbyggingin hefur beinlínis bara rifnað frá. Ætli það séu ekki svona fjörutíu sentímetrar bara sprungan sem er hér upp eftir öllu og klýfur húsið í sundur,“ segir Fannar. „Þessi milli bygging hérna þar sem voru íbúðir eldri borgara hún er algjörlega, gjörsamlega ónýt.“ Sjá má vel að gangur viðbyggingarinnar er verulega skakkur og allt á skjön, rúður brotnar og sprungur í veggjum. Hinu meginn við þröskuldinn við hinn enda gangsins er hálfkláruð, ný viðbygging sem stendur nær óskemmd. „Hér átti að vera hér félagsaðstaða eldri borgara og á efri hæðinni ætluðum við að vera með heilsugæslu,“ segir Ásrún Helga Kristinsdóttir, forseti bæjarstjórnar Grindavíkur. Húsið er nær klofið í sundur og heldur áfram að gliðna.Vísir/Sigurjón „Það er verið að meta núna burðarvirki veit ég þannig það kemur í ljós. En það er sorglegt að sjá hérna hvernig blasir raunveruleikin svolítið fyrir okkur,“ spurð um framtíð hússins. Mikill manngangur í Kvikunnin Það ríkti þó öllu meiri bjartsýni í menningarmiðstöðinni Kvikunni sem var opin í dag í fyrsta sinn síðan í nóvember. „Það er búinn að vera mikill manngangur og mikið af fólki síðan við opnuðum klukkan tíu í morgun, mun meira en við bjuggumst við,“ segir Elínborg Ingvarsdóttir, forstöðumaður Þrumunnar, félagsmiðstöðvar fyrir börn og unglinga í Grindavík, sem nú stendur vaktina í Kvikunni. Síðast var opið í nóvember í fyrra, en almannavarnir hafa notað húsnæðið annað slagið undanfarna mánuði á meðan jarðhræringar hafa staðið yfir. Grindavík Eldgos og jarðhræringar Eldgos á Reykjanesskaga Mest lesið Slævandi lyf og lágt sætisbak dráttarvélar orsakir banaslyss Innlent Kýldi konu eftir kynmök: „Hvað, getur þú ekki meira?“ Innlent Stafræn skírteini hætta í símaveskjum Innlent Íbúar leiti réttar síns vegna flautsins: „Þetta er lýðheilsuógn“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Mikill viðbúnaður vegna einstaklings sem féll í Brúará Innlent „Erum ekki dúkkur sem Snorri getur sagt fyrir verkum“ Innlent Dæmdur í 21 árs fangelsi fyrir að nauðga tugum skjólstæðinga Erlent Fyrirsjáanlegar deilur: Valdamesti maður heims og sá ríkasti hnakkrífast Erlent Ásthildur Lóa skammar þingheim Innlent Fleiri fréttir Mikill viðbúnaður vegna einstaklings sem féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Sjá meira
Fram kom í fréttum Stöðvar 2 í gær að ákveðið hafi verið að fresta niðurrifi íþróttamiðstöðvarinnar Hópsins í Grindavík, með það fyrir augum að mögulega breyta húsinu í safn. Í dag gafst bæjarstjóra og öðrum bæjarfulltrúum tækifæri til að kynna sér aðstæður í húsinu, og það í öryggislínu í fylgd öryggisstjóra. „Það gafst kostur á því að fara hérna út á brúnina í öryggisbúnaði og líta ofan í þetta. Við sáum þarna átta metra ofan í jörðina og annars staðar í húsinu er dýptin þrettán metrar og nær niður í grunnvatn. Þannig þetta var mjög sérstök upplifun að koma hingað og fá að skoða þetta,“ segir Fannar Jónasson bæjarstjóri í Grindavík. „Það er eiginlega bara mjög sérkennileg tilfinning að sjá þessa miklu bergstuðla sem eru þarna fyrir neðan og geta einhvern veginn áttað sig á því með eigin augum hvað þetta hefur gliðnað mikið og hvað átökin hafa verið mikil, enda er húsið náttúrlega vel laskað fyrir bragðið,“ segir Fannar. Í tilkynningu frá lögreglunni á Suðurnesjum í dag segir að Hópið sé ekki öruggt fyrir fólk miðað við ástand hússins í dag. Það verði ekki hægt „nema húsið verði metið öruggt af þar til bærum aðilum.“ Þá er talin töluverð hætta á jarðfalli ofan í sprungur og sprunguhreyfingum, en landris er hafið að nýju á svæðinu. Líkt og áður segir stóð að rífa húsið, meðal annars af öryggissjónarmiðum, áður en því var slegið á frest. Eru aðstæður breyttar hvað það varðar? „Nei það þarf að styrkja húsið. Það þarf að loka hérna gaflinum og passa upp á það að stálgrindin, að hún sé í nógu góðu lagi til að halda uppi þessu mannvirki. Þannig það er næsta verk að kanna það betur,“ svarar Fannar. Svo djúp er sprungan að varla sést til botns þótt lýst sé niður í hana.Vísir/Sigurjón „Það var ákveðið alla veganna að bíða með það að farga húsinu. Það verður ekki aftur tekið ef að mönnum sýnist kannski að það hefði verið hægt að nota þetta eða það kæmi til með að vera góður sýningargripur hérna. Og sprungan þessi stóra hún er varin fyrir veðri og vindum, þannig að það er nú eitt af því sem þarf að huga að ef það á að hafa einhvers konar sýningarsvæði hér innan bæjar og þetta er auðvitað kannski tækifæri til þess. En málið er ekki komið lengra en þetta en við ætlum ekki að farga því að svo komnu.“ Fannar Jónasson bæjarstjóri kynnti sér aðstæður í Hópinu ásamt bæjarfulltrúum í dag.Vísir/Sigurjón Næst lá leiðin yfir á hjúkrunarheimilið Víðihlíð sem varð verulega illa úti í jarðhræringum þann tíunda nóvember í fyrra. Íbúðin sem sjá má á meðfylgjandi myndum skemmdist hvað mest en íbúi sem var heima slapp með skrekkinn þegar skjálftinn reið yfir. Íbúðin á hjúkrunarheimilinu Víðihlíð er verulega illa farin.Vísir/Sigurjón Þá eru skemmdirnar á viðbyggingu við eldri hluta hússins gríðarlegar. „Viðbyggingin hefur beinlínis bara rifnað frá. Ætli það séu ekki svona fjörutíu sentímetrar bara sprungan sem er hér upp eftir öllu og klýfur húsið í sundur,“ segir Fannar. „Þessi milli bygging hérna þar sem voru íbúðir eldri borgara hún er algjörlega, gjörsamlega ónýt.“ Sjá má vel að gangur viðbyggingarinnar er verulega skakkur og allt á skjön, rúður brotnar og sprungur í veggjum. Hinu meginn við þröskuldinn við hinn enda gangsins er hálfkláruð, ný viðbygging sem stendur nær óskemmd. „Hér átti að vera hér félagsaðstaða eldri borgara og á efri hæðinni ætluðum við að vera með heilsugæslu,“ segir Ásrún Helga Kristinsdóttir, forseti bæjarstjórnar Grindavíkur. Húsið er nær klofið í sundur og heldur áfram að gliðna.Vísir/Sigurjón „Það er verið að meta núna burðarvirki veit ég þannig það kemur í ljós. En það er sorglegt að sjá hérna hvernig blasir raunveruleikin svolítið fyrir okkur,“ spurð um framtíð hússins. Mikill manngangur í Kvikunnin Það ríkti þó öllu meiri bjartsýni í menningarmiðstöðinni Kvikunni sem var opin í dag í fyrsta sinn síðan í nóvember. „Það er búinn að vera mikill manngangur og mikið af fólki síðan við opnuðum klukkan tíu í morgun, mun meira en við bjuggumst við,“ segir Elínborg Ingvarsdóttir, forstöðumaður Þrumunnar, félagsmiðstöðvar fyrir börn og unglinga í Grindavík, sem nú stendur vaktina í Kvikunni. Síðast var opið í nóvember í fyrra, en almannavarnir hafa notað húsnæðið annað slagið undanfarna mánuði á meðan jarðhræringar hafa staðið yfir.
Grindavík Eldgos og jarðhræringar Eldgos á Reykjanesskaga Mest lesið Slævandi lyf og lágt sætisbak dráttarvélar orsakir banaslyss Innlent Kýldi konu eftir kynmök: „Hvað, getur þú ekki meira?“ Innlent Stafræn skírteini hætta í símaveskjum Innlent Íbúar leiti réttar síns vegna flautsins: „Þetta er lýðheilsuógn“ Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Mikill viðbúnaður vegna einstaklings sem féll í Brúará Innlent „Erum ekki dúkkur sem Snorri getur sagt fyrir verkum“ Innlent Dæmdur í 21 árs fangelsi fyrir að nauðga tugum skjólstæðinga Erlent Fyrirsjáanlegar deilur: Valdamesti maður heims og sá ríkasti hnakkrífast Erlent Ásthildur Lóa skammar þingheim Innlent Fleiri fréttir Mikill viðbúnaður vegna einstaklings sem féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Sjá meira