Yazan vakinn á sjúkrabeði og á leið úr landi Kolbeinn Tumi Daðason skrifar 16. september 2024 00:42 Yazan ásamt móður sinni, Feryal Aburajab Tamimi. Vísir/Arnar Ellefu ára gamall fjölfatlaður drengur frá Palestínu var vakinn á sjúkrabeði sínu í Rjóðrinu seint í kvöld af lögreglu. Til stendur að fljúga með hann úr landi í fyrramálið ásamt fjölskyldu hans. Albert Björn Lúðvígsson, lögmaður fjölskyldunnar, segir í samtali við Vísi að lögregla hafi sótt Yazan Tamimi, ellefu ára dreng með Duchenne-vöðvarýrnunarsjúkdóm, í Rjóðrið á Landspítalanum þar sem drengurinn hefur legið undanfarnar vikur. Rjóðrið er hvíldar- og endurhæfingardeild Landspítalans. Fréttastofa hefur fengið fullyrðingar Alberts um yfirvofandi brottflutning Yazans staðfestan. Samkvæmt heimildum fréttastofu er flug fyrirhugað frá Íslandi til Spánar í fyrramálið. Fjölskylda Yazans kom hingað til Íslands fyrir ári frá Palestínu með millilendingu á Spáni. Kærunefnd útlendingamála vísaði máli þeirra frá og hefur brottvísun þeirra verið yfirvofandi undanfarnar vikur. „Grimmdarverk í skjóli nætur“ Albert Björn fékk símtal um miðnætti frá réttargæslumanni fatlaðs fólks sem hafði fengið þær upplýsingar að Yazan hefði verið vakinn í rúmi sínu í Rjóðrinu. „Lögregla hafði sótt Yazan upp í Rjóður þar sem hann lá sofandi í sjúkrarúmi. Það er búið að slökkva á öllum farsímum fjölskyldunnar. Þetta er grimmdarverk lögreglu í skjóli nætur,“ segir Albert Björn. „Ég hef haft samband við lögreglu bæði fyrir hönd fjölskyldunnar sem lögmaður og réttargæslunnar. Við eigum rétt að aðkomu að svona málum,“ segir Albert Björn. Lögregla hafi hafnað að veita nokkrar upplýsingar og ekki einu sinni staðfest að Yazan hafi verið færður úr Rjóðrinu. „Þau benda á að ég eigi að hringja á opnunartíma í Ríkislögreglustjóra,“ segir Albert. Honum blöskrar vinnubrögð lögreglu. Hefur miklar áhyggjur Albert segir ljóst að lögregla vilji geta unnið sína vinnu í næði og án þess að nokkur fái hönd við reist. „Ég hef mjög miklar áhyggjur af fjölskyldunni og þeim aðbúnaði sem þau fá bæði í flutningnum og á Spáni,“ segir Albert Björn. „Svona aðgerð er engan vegin líkleg til að vera til hagsbóta fyrir langveikt ellefu ára gamalt barn,“ segir Albert Björn. Nöturlegt ef Barnasáttmálinn gripi ekki Yazan Ásmundur Einar Daðason barnamálaráðherra sagði í júlí að barnamálaráðuneytið hefði engar upplýsingar eða gögn um mál Yazans og því síður heimild til þess að hlutast til um þau. „En það er gríðarlega mikilvægt að öll stjórnvöld, sama hvort það eru útlendingayfirvöld eða aðrir, fari að Barnasáttmála Sameinuðu þjóðanna og þeim réttindum og skyldum sem við höfum sett fram að við ætlum okkar að standa gagnvart börnum og það á við um öll börn. Í þessu tilfelli, þá treysti ég því að það hafi verið unnið ítarlegt hagsmunamat á hagsmunum þessa drengs þar sem hans hagsmunir voru skoðaðir en ekki skilvirkni kerfisins eða staða fjölskyldunnar í heild sinni,“ sagði Ásmundur Einar. Það þyrfti að skoða hvort unnið hafi verið eftir Barnasáttmálanum í máli Yazans. „Mér fyndist nöturlegt ef niðurstaðan yrði sú að Barnasáttmállinn og réttindi barna myndu ekki grípa þetta barn. En ég vonast auðvitað til þess að það geti gerst. Hagsmunamat í málefnum barna á að vera einstaklingsmiðað og ég verð að treysta því að það hafi verið unnið með þeim hætti og það sé líka verið að vinna með þeim hætti núna í framhaldi málsins,“ sagði Ásmundur. Samstöðufundur fyrir tveimur vikum Samstöðufundur fyrir Yazan fór fram á Austurvelli þann 28. ágúst síðastliðinn. Sólveig Arnarsdóttir skipuleggjandi mótmælanna og fundarstjóri sagði útlitið fyrir Yazan alls ekki nógu gott. „Það á bara að halda áfram að undirbúa brottvísun drengsins,“ sagði Sólveig. „Við skynjum öll, í hjarta okkar innra með okkur, að þetta er rangt. Það getur ekki verið að við ætlum sem samfélag að bregðast þessu barni. Að bregðast ellefu ára gömlum dreng frá Palestínu, sem er bundinn hjólastól, og er að leita hér hælis. Okkur ber einfaldlega skylda til að hjálpa barni í neyð.“ Bjarni Karlsson prestur og siðfræðingur sagði almenning á Íslandi senda stjórnmálafólki þau skilaboð að „hér sé siðurinn í landinu í húfi.“ „Við höfum verið samtaka um það, þrátt fyrir allan mannamun og þrætuhneigð, að hér verndum við börn. Við fundum það svo sterkt á þessum fundi hér í dag, þar sem breiður hópur fólks var saman komið vegna þess að okkur verkjar í þjóðarsálina. Við skynjum að siðurinn í landinu er í húfi. Við getum ekki horft á það að dreng í þessum aðstæðum, langveiku barni, verði úthýst úr samfélaginu með þessum hætti úr samfélaginu okkar. Við getum ekki gert það.“ Þá hafa samtökin No borders skorað á íslensk flugfélög að hafna því að fljúga Yazan úr landi. „Ekkert flugfélag sem státar sig af samfélagslegri ábyrgð ætti að sætta sig við það að framkvæma illvirki á borð við það að senda langveikt og dauðvona barn úr landi og á götuna á Spáni þar sem það verður, án dvalarleyfis og læknisþjónustu. Þetta er ekki eitthvað sem við getum látið bjóða okkur. Að öllu óbreyttu á Yazan aðeins örfá ár eftir ólifuð,“ sagði í yfirlýsingu No borders á dögunum. Halda út á Keflavíkurflugvöll Bergþóra Snæbjörnsdóttir rithöfundur og María Lilja Þrastardóttir Kemp eru á meðal íslenskra kvenna sem komu að flutningi fólks frá Palestínu til Íslands snemma á þessu ári. Fólkið var með dvalarleyfi hér á landi á grundvelli fjölskyldusameiningar. Bergþóra er meðal þeirra sem hafa greint frá brottflutningnum á samfélagsmiðlum í kvöld. Þær hafa talað máli Yazan líkt og fleiri og vakið athygli á yfirvofandi brottflutningi á samfélagsmiðlum undanfarna klukkustund. No borders hafa stofnað viðburðinn Mótmælum á Keflavíkurflugvelli á Facebook þar sem fólk er hvatt til að fjölmenna á Keflavíkurflugvöll og mótmæla brottvísuninni. „Lögreglan hefur tekið Yazan Tamimi af Barnaspítalanum og ætlar sér að brottvísa honum í nótt! Mætum öll upp á Keflavíkurflugvöll og grípur til aðgerða gegn ódæðisverki lögreglu og stjórnvalda!“ María Lilja segist í samtali við fréttastofu vera á leiðinni út á flugvöll ásamt fjölda fólks. Fréttin hefur verið uppfærð. Mál Yazans Hælisleitendur Lögreglumál Landspítalinn Keflavíkurflugvöllur Tengdar fréttir „Getur ekki verið að við ætlum að bregðast þessu barni“ Skipuleggjendur samstöðufundar fyrir hinn ellefu ára gamla Yazan Tamimi segja stjórnvöld setja það fordæmi með brottvísun hans að það sé í lagi að hjálpa ekki barni. Það sé ljótt fordæmi sem fólk muni ekki sætta sig við. 28. ágúst 2024 11:44 Skora á flugfélög að neita að flytja Yazan úr landi Samtökin No Borders Iceland skora á öll starfandi flugfélög á Íslandi að neita að fljúga Yazan Tamimi úr landi. 22. ágúst 2024 12:51 Tvö þúsund skora á Guðrúnu að hætta við brottvísunina Meira en tvö þúsund manns hafa skrifað undir undirskriftalista á vef Ísland.is þar sem skorað er á Guðrúnu Hafsteinsdóttur dómsmálaráðherra að grípa inn í svo Yazan Tamimi og fjölskyldu hans verða ekki vísað úr landi. 4. júlí 2024 22:44 Mest lesið Möguleg slit á fríverslunarsamningi við Ísrael tekin fyrir Innlent Aðsetur ríkisstjórnarinnar logar eftir árásir næturinnar Erlent Þyrlan kölluð út á mesta forgangi Innlent Ákærðir fyrir hópnauðgun gegn ólögráða stúlku Innlent Hótar að beita stríðsmálaráðuneytinu: „Chipocalypse Now“ Erlent Labubu bangsar ekki lengur velkomnir í Ísaksskóla Innlent Bandaríkjamenn handtóku yfir þrjú hundruð Suður-Kóreumenn Erlent Vilja skylda samskiptaforrit til að skanna einkaskilaboð fólks Erlent „Markmiðið er að innlima Úkraínu í áhrifasvæði Rússlands“ Erlent Ákærðir vegna fölsuðu taflanna tuttugu þúsund Innlent Fleiri fréttir Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Sjá meira
Albert Björn Lúðvígsson, lögmaður fjölskyldunnar, segir í samtali við Vísi að lögregla hafi sótt Yazan Tamimi, ellefu ára dreng með Duchenne-vöðvarýrnunarsjúkdóm, í Rjóðrið á Landspítalanum þar sem drengurinn hefur legið undanfarnar vikur. Rjóðrið er hvíldar- og endurhæfingardeild Landspítalans. Fréttastofa hefur fengið fullyrðingar Alberts um yfirvofandi brottflutning Yazans staðfestan. Samkvæmt heimildum fréttastofu er flug fyrirhugað frá Íslandi til Spánar í fyrramálið. Fjölskylda Yazans kom hingað til Íslands fyrir ári frá Palestínu með millilendingu á Spáni. Kærunefnd útlendingamála vísaði máli þeirra frá og hefur brottvísun þeirra verið yfirvofandi undanfarnar vikur. „Grimmdarverk í skjóli nætur“ Albert Björn fékk símtal um miðnætti frá réttargæslumanni fatlaðs fólks sem hafði fengið þær upplýsingar að Yazan hefði verið vakinn í rúmi sínu í Rjóðrinu. „Lögregla hafði sótt Yazan upp í Rjóður þar sem hann lá sofandi í sjúkrarúmi. Það er búið að slökkva á öllum farsímum fjölskyldunnar. Þetta er grimmdarverk lögreglu í skjóli nætur,“ segir Albert Björn. „Ég hef haft samband við lögreglu bæði fyrir hönd fjölskyldunnar sem lögmaður og réttargæslunnar. Við eigum rétt að aðkomu að svona málum,“ segir Albert Björn. Lögregla hafi hafnað að veita nokkrar upplýsingar og ekki einu sinni staðfest að Yazan hafi verið færður úr Rjóðrinu. „Þau benda á að ég eigi að hringja á opnunartíma í Ríkislögreglustjóra,“ segir Albert. Honum blöskrar vinnubrögð lögreglu. Hefur miklar áhyggjur Albert segir ljóst að lögregla vilji geta unnið sína vinnu í næði og án þess að nokkur fái hönd við reist. „Ég hef mjög miklar áhyggjur af fjölskyldunni og þeim aðbúnaði sem þau fá bæði í flutningnum og á Spáni,“ segir Albert Björn. „Svona aðgerð er engan vegin líkleg til að vera til hagsbóta fyrir langveikt ellefu ára gamalt barn,“ segir Albert Björn. Nöturlegt ef Barnasáttmálinn gripi ekki Yazan Ásmundur Einar Daðason barnamálaráðherra sagði í júlí að barnamálaráðuneytið hefði engar upplýsingar eða gögn um mál Yazans og því síður heimild til þess að hlutast til um þau. „En það er gríðarlega mikilvægt að öll stjórnvöld, sama hvort það eru útlendingayfirvöld eða aðrir, fari að Barnasáttmála Sameinuðu þjóðanna og þeim réttindum og skyldum sem við höfum sett fram að við ætlum okkar að standa gagnvart börnum og það á við um öll börn. Í þessu tilfelli, þá treysti ég því að það hafi verið unnið ítarlegt hagsmunamat á hagsmunum þessa drengs þar sem hans hagsmunir voru skoðaðir en ekki skilvirkni kerfisins eða staða fjölskyldunnar í heild sinni,“ sagði Ásmundur Einar. Það þyrfti að skoða hvort unnið hafi verið eftir Barnasáttmálanum í máli Yazans. „Mér fyndist nöturlegt ef niðurstaðan yrði sú að Barnasáttmállinn og réttindi barna myndu ekki grípa þetta barn. En ég vonast auðvitað til þess að það geti gerst. Hagsmunamat í málefnum barna á að vera einstaklingsmiðað og ég verð að treysta því að það hafi verið unnið með þeim hætti og það sé líka verið að vinna með þeim hætti núna í framhaldi málsins,“ sagði Ásmundur. Samstöðufundur fyrir tveimur vikum Samstöðufundur fyrir Yazan fór fram á Austurvelli þann 28. ágúst síðastliðinn. Sólveig Arnarsdóttir skipuleggjandi mótmælanna og fundarstjóri sagði útlitið fyrir Yazan alls ekki nógu gott. „Það á bara að halda áfram að undirbúa brottvísun drengsins,“ sagði Sólveig. „Við skynjum öll, í hjarta okkar innra með okkur, að þetta er rangt. Það getur ekki verið að við ætlum sem samfélag að bregðast þessu barni. Að bregðast ellefu ára gömlum dreng frá Palestínu, sem er bundinn hjólastól, og er að leita hér hælis. Okkur ber einfaldlega skylda til að hjálpa barni í neyð.“ Bjarni Karlsson prestur og siðfræðingur sagði almenning á Íslandi senda stjórnmálafólki þau skilaboð að „hér sé siðurinn í landinu í húfi.“ „Við höfum verið samtaka um það, þrátt fyrir allan mannamun og þrætuhneigð, að hér verndum við börn. Við fundum það svo sterkt á þessum fundi hér í dag, þar sem breiður hópur fólks var saman komið vegna þess að okkur verkjar í þjóðarsálina. Við skynjum að siðurinn í landinu er í húfi. Við getum ekki horft á það að dreng í þessum aðstæðum, langveiku barni, verði úthýst úr samfélaginu með þessum hætti úr samfélaginu okkar. Við getum ekki gert það.“ Þá hafa samtökin No borders skorað á íslensk flugfélög að hafna því að fljúga Yazan úr landi. „Ekkert flugfélag sem státar sig af samfélagslegri ábyrgð ætti að sætta sig við það að framkvæma illvirki á borð við það að senda langveikt og dauðvona barn úr landi og á götuna á Spáni þar sem það verður, án dvalarleyfis og læknisþjónustu. Þetta er ekki eitthvað sem við getum látið bjóða okkur. Að öllu óbreyttu á Yazan aðeins örfá ár eftir ólifuð,“ sagði í yfirlýsingu No borders á dögunum. Halda út á Keflavíkurflugvöll Bergþóra Snæbjörnsdóttir rithöfundur og María Lilja Þrastardóttir Kemp eru á meðal íslenskra kvenna sem komu að flutningi fólks frá Palestínu til Íslands snemma á þessu ári. Fólkið var með dvalarleyfi hér á landi á grundvelli fjölskyldusameiningar. Bergþóra er meðal þeirra sem hafa greint frá brottflutningnum á samfélagsmiðlum í kvöld. Þær hafa talað máli Yazan líkt og fleiri og vakið athygli á yfirvofandi brottflutningi á samfélagsmiðlum undanfarna klukkustund. No borders hafa stofnað viðburðinn Mótmælum á Keflavíkurflugvelli á Facebook þar sem fólk er hvatt til að fjölmenna á Keflavíkurflugvöll og mótmæla brottvísuninni. „Lögreglan hefur tekið Yazan Tamimi af Barnaspítalanum og ætlar sér að brottvísa honum í nótt! Mætum öll upp á Keflavíkurflugvöll og grípur til aðgerða gegn ódæðisverki lögreglu og stjórnvalda!“ María Lilja segist í samtali við fréttastofu vera á leiðinni út á flugvöll ásamt fjölda fólks. Fréttin hefur verið uppfærð.
Mál Yazans Hælisleitendur Lögreglumál Landspítalinn Keflavíkurflugvöllur Tengdar fréttir „Getur ekki verið að við ætlum að bregðast þessu barni“ Skipuleggjendur samstöðufundar fyrir hinn ellefu ára gamla Yazan Tamimi segja stjórnvöld setja það fordæmi með brottvísun hans að það sé í lagi að hjálpa ekki barni. Það sé ljótt fordæmi sem fólk muni ekki sætta sig við. 28. ágúst 2024 11:44 Skora á flugfélög að neita að flytja Yazan úr landi Samtökin No Borders Iceland skora á öll starfandi flugfélög á Íslandi að neita að fljúga Yazan Tamimi úr landi. 22. ágúst 2024 12:51 Tvö þúsund skora á Guðrúnu að hætta við brottvísunina Meira en tvö þúsund manns hafa skrifað undir undirskriftalista á vef Ísland.is þar sem skorað er á Guðrúnu Hafsteinsdóttur dómsmálaráðherra að grípa inn í svo Yazan Tamimi og fjölskyldu hans verða ekki vísað úr landi. 4. júlí 2024 22:44 Mest lesið Möguleg slit á fríverslunarsamningi við Ísrael tekin fyrir Innlent Aðsetur ríkisstjórnarinnar logar eftir árásir næturinnar Erlent Þyrlan kölluð út á mesta forgangi Innlent Ákærðir fyrir hópnauðgun gegn ólögráða stúlku Innlent Hótar að beita stríðsmálaráðuneytinu: „Chipocalypse Now“ Erlent Labubu bangsar ekki lengur velkomnir í Ísaksskóla Innlent Bandaríkjamenn handtóku yfir þrjú hundruð Suður-Kóreumenn Erlent Vilja skylda samskiptaforrit til að skanna einkaskilaboð fólks Erlent „Markmiðið er að innlima Úkraínu í áhrifasvæði Rússlands“ Erlent Ákærðir vegna fölsuðu taflanna tuttugu þúsund Innlent Fleiri fréttir Hringveginum lokað vegna umferðarslyss Þyrlan kölluð út á mesta forgangi Jákvæð gagnvart nýrri atvinnustefnu Frábær og vel heppnuð Ljósanótt Möguleg slit á fríverslunarsamningi við Ísrael tekin fyrir Skoða að rifta fríverslunarsamningi við Ísrael Labubu bangsar ekki lengur velkomnir í Ísaksskóla Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Sjá meira
„Getur ekki verið að við ætlum að bregðast þessu barni“ Skipuleggjendur samstöðufundar fyrir hinn ellefu ára gamla Yazan Tamimi segja stjórnvöld setja það fordæmi með brottvísun hans að það sé í lagi að hjálpa ekki barni. Það sé ljótt fordæmi sem fólk muni ekki sætta sig við. 28. ágúst 2024 11:44
Skora á flugfélög að neita að flytja Yazan úr landi Samtökin No Borders Iceland skora á öll starfandi flugfélög á Íslandi að neita að fljúga Yazan Tamimi úr landi. 22. ágúst 2024 12:51
Tvö þúsund skora á Guðrúnu að hætta við brottvísunina Meira en tvö þúsund manns hafa skrifað undir undirskriftalista á vef Ísland.is þar sem skorað er á Guðrúnu Hafsteinsdóttur dómsmálaráðherra að grípa inn í svo Yazan Tamimi og fjölskyldu hans verða ekki vísað úr landi. 4. júlí 2024 22:44