Formúla 1

Þrír á­kærðir fyrir að reyna að fjárkúga fjöl­skyldu Schumacher

Ingvi Þór Sæmundsson skrifar
Michael Schumacher varð sjö sinnum heimsmeistari í Formúlu 1 á árunum 1994-2004.
Michael Schumacher varð sjö sinnum heimsmeistari í Formúlu 1 á árunum 1994-2004. getty/Vladimir Rys

Saksóknari í Wuppertal hefur ákært þrjá menn fyrir að reyna að kúga fé út úr fjölskyldu Michaels Schumacher, fyrrverandi heimsmeistara í Formúlu 1.

Mennirnir hótuðu því að birta 1.500 skrár um Schumacher á djúpvefnum, meðal annars skjúkraskýrslur, nema að fjölskylda hans greiddi þeim fimmtán milljónir evra, eða 2,3 milljarða íslenskra króna.

Í gær var greint frá því að feðgar hefðu verið handteknir í tengslum við málið og í dag kom fram að þrír hefðu verið ákærðir vegna fjárkúgunarinnar.

Schumacher hefur ekki sést opinberlega síðan hann lenti í skíðaslysi í desember 2013. Þýski ökuþórinn varð fyrir alvarlegum heilaskaða en annars er lítið vitað um ásigkomulag hans.

Margir hafa freistað þess að afla sér upplýsinga um ástand Schumachers með misjöfnum aðferðum en ekkert hefur lekið út.

Enginn hefur oftar orðið heimsmeistari í Formúlu 1 en Schumacher, eða sjö sinnum. Glæsilegum ferli hans lauk 2012.

Akstursíþróttir Skíðaslys Michael Schumacher

Mest lesið


Fleiri fréttir

Sjá meira


×

Mest lesið