Logi skoraði í öruggum sigri í Íslendingaslag

Logi var á sínum stað í byrjunarliði Strömsgodset og Júlíus Magnússon bar fyrirliðabandið í liði Fredrikstad, en það var Jonas Therkelsen sem kom Strömsgodset yfir strax á 12. mínútu. Það reyndist eina mark fyrri hálfleiks og staðan því 1-0 þegar liðin gengu til búningsherbergja.

Heimamenn bættu svo öðru marki sínu við á 5.5. mínútu þegar Logi kom boltanum í netið eftir stoðsendingu frá Herman Stengel og þar við sat.

Niðurstaðan því 2-0 sigur Strömsgodset sem nú er með 32 stig eftir 26 leiki í áttunda sæti deildarinnar. Fredrikstad situr hins vegar í fimmta sæti með 43 stig.