Íslenski boltinn

Kristinn fékk loksins medalíuna sína og nýjan samning í kaup­bæti

Ingvi Þór Sæmundsson skrifar
Kristinn Jónsson með medalíuna sína.
Kristinn Jónsson með medalíuna sína. breiðablik

Vinstri bakvörðurinn Kristinn Jónsson fékk í dag loks medalíu fyrir að verða Íslandsmeistari með Breiðabliki.

Kristinn fór meiddur af velli í fyrri hálfleik í úrslitaleik Bestu deildarinnar á sunnudaginn, þar sem Breiðablik sigraði Víking, 0-3.

Kristinn lenti í samstuði við Víkinginn Erling Agnarsson og fékk heilahristing og kinnbeinsbrotnaði. Hann var því á spítala meðan samherjar hans voru að fagna Íslandsmeistaratitlinum.

Í dag fékk Kristinn loks gullmedalíuna sína. Ekki nóg með það heldur skrifaði hann undir nýjan eins árs samning við Breiðablik.

Kristinn kom aftur til Breiðabliks fyrir tímabilið. Hann lék 23 af 27 leikjum liðsins í Bestu deildinni og skoraði tvö mörk. 

Kristinn, sem er 34 ára, varð einnig Íslandsmeistari með Breiðabliki 2010 og KR 2019. Þá varð hann bikarmeistari með Blikum 2009.

Besta deild karla Breiðablik

Tengdar fréttir

Svona endurheimti Breiðablik titilinn: Upprisan, kaflaskilin og breyttar áherslur

Eftir að hafa verið 25 stigum á eftir Víkingi í fyrra tryggði Breiðablik sér Íslandsmeistaratitilinn eftir sannfærandi sigur í úrslitaleik liðanna á sunnudaginn. En hvernig fóru Blikar að því að endurheimta titilinn? Tímabilið 2024 í Kópavoginum er meðal annars saga af upprisu leikmanna, lykilbreytingu á miðju tímabili, breyttum áherslum og draumaendi.

Mest lesið


Fleiri fréttir

Sjá meira


×

Mest lesið