Kefl­víkingar keyptu leik­mann frá Njarð­vík

Hreggviður Hermannsson spilar því með Keflavík í Lengjudeildinni næsta sumar en ekki með Njarðvík.

Keflavík segir frá kaupunum á miðlum sínum en þeir eru þarna að endurheimta leikmann sem fór upp í gegnum unglingastarf félagsins.

Hreggviður er 24 ára gamall og er uppalinn Keflvíkingur. Hann hefur verið fastamaður í liði Njarðvíkinga frá árinu 2021.

Hreggviður er vinstri bakvörður sem getur leyst nokkrar stöður á vellinum.

Hreggviður lék fjórtán leiki með Njarðvík í Lengjudeild karla síðasta sumar og hefur alls spilað 33 leiki í B-deildinni þar af 30 þeirra fyrir Njarðvík.

Hreggviður lék síðast með Keflavík í Lengjubikarnum vorið 2021. Hann hefur einnig spilað fyrir Víði í C-deildinni.