76 milljón króna sekt Símans stendur

Dómurinn felldi niður málskostnað en samkvæmt tilkynningu sem Síminn sendi til Kauphallarinnar í dag mun Síminn skoða forsendur dómsins og meta hvort honum verði áfrýjað til Landsréttar.

Fjármálaeftirlitsnefnd sektaði Símann um 76,5 milljónir króna í nóvember í fyrra. Síminn þótti ekki hafa birt ætlaðar innherjaupplýsingar eða ákvörðun um frestun þeirra í tengslum við söluna á Mílu. Í febrúar þessa árs kærði Síminn sektina.

Síminn er eðlilega ósammála stofnuninni að á þeim tíma hafi verið til staðar innherjaupplýsingar og telur að fjárfestum hafi verið haldið upplýstum um ferlið með fullnægjandi hætti, m.a. með opinberri tilkynningu til kauphallar þann 31. ágúst 2021,“ segir í tilkynningu frá Símanum frá nóvember ársins 2023.

Síminn hafi litið svo á að engum innherjaupplýsingum hafi verið að dreifa þann 31. ágúst 2021. Ekkert bindandi tilboð hafi borist í félagið á þeim tíma og félagið því af augljósum ástæðum ekki tekið afstöðu til frestunar upplýsinga.