Lífið

Með þvottaklemmu á sér í beinni frá eldunum

Oddur Ævar Gunnarsson skrifar
David Muir leit afskaplega vel út, enda búinn að tryggja að búningurinn væri aðsniðinn.
David Muir leit afskaplega vel út, enda búinn að tryggja að búningurinn væri aðsniðinn.

Bandaríski sjónvarpsmaðurinn David Muir ákvað að festa þvottaklemmu á sig til þess að líta betur út í slökkviliðsbúning þar sem hann var staddur við gróðurelda í Los Angeles í beinni útsendingu. Athæfið hefur vakið mikla athygli og sjónvarpsmaðurinn verið harðlega gagnrýndur vegna þessa.

Bandaríski miðillinn PageSix gerir þessu skil. Þar segir að Muir hafi nýtt sér klemmuna til þess að fella búninginn betur að líkama sínum og þannig tryggja aðþrengdara snið. Eins og flestir vita eru núverandi gróðureldar í Los Angeles þeir mestu í manna minnum og tugir húsa eyðilagst í eldunum.

Muir starfar sem sjónvarpsmaður á ABC sjónvarpsstöðinni og var á vettvangi eldanna í beinni. Meðal þeirra sem gagnrýna sjónvarpsmanninn fyrir athæfið er kollegi Muir og keppinautur Megyn Kelly. Hún segir Muir vera haldinn það sem hún kallar sjúklegri hégóma.

„Þetta er ekki tími til þess að klæða sig upp. Þetta er eitthvað sem litlu strákarnir mínir gerðu þegar þeir voru ekki orðnir tíu ára. Ekki í fréttum þegar fólk er að láta lífið.“

PageSix segir augljóst að sjónvarpsmaðurinn hafi ekki ætlað að láta sjást í klemmuna. Þegar hann hafi snúið sér við til að benda áhorfendum á brunna byggð hafi klemman hinsvegar litið dagsins ljós frammi fyrir alheiminum.

@thesun A top news anchor has been caught pinning his firefighter jacket to look more butch during a Los Angeles wildfire broadcast. ABC’s David Muir was seen using a clothespin to spruce up his fire jacket while reporting live on the devastating blaze. #LA #Wildfire #ABC #DavidMuir #TV #Broadcast #USNews ♬ original sound - The Sun
Bíó og sjónvarp Gróðureldar Gróðureldar í Kaliforníu

Tengdar fréttir

Harmleikur í Hollywood: Hús fræga fólksins fuðra upp

Mikill fjöldi Hollywood stjarna hefur neyðst til að flýja heimili sín vegna þeirra gríðarlegu skógarelda sem nú brenna í úthverfum Los Angeles borgar. Þá hefur töluverður fjöldi stjarna misst heimili sín í úthverfi borgarinnar, Pacific Palisades og í Malibu.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.