Tólfta jafn­tefli Juventus sem hefur ekki enn tapað deildar­leik

Juventus var í 5. - 6. sæt sæti Serie A fyrir leikinn í dag og var fjórum stigum á eftir Lazio sem var í 4. sæti og ellefu stigum á eftir toppliði Napoli. Nágrannaliðið Torino var hins vegar í 11. sætinu og nær botni deildarinnar heldur en toppi.

Gestirnir í Juventus byrjuðu betur því Kenan Yildiz kom liðinu í 1-0 strax á 8. mínútu eftir sendingu Nicolo Savona. Nikola Vlasic jafnaði metin í 1-1 í uppbótartíma fyrri hálfleiks

Snemma í síðari hálfleiknum fengu starfsmaður Torino og knattspyrnustjóri Juventus, Thiago Motta, báðir rautt spjald en hvorugu liðinu tókst að bæta við marki í síðari hálfleiknum. 

Lokatölur 1-1 og tólfta jafntefli Juventus í deildinni því staðreynd. Eftir nítján umferðir hefur Juventus ekki enn tapað leik en situr þó aðeins í 5. sæti enda ekki unnið nema sjö leiki.