Hvetur fólk til að fylgjast með Viggó á HM

Í tilefni þess að HM hefst í dag valdi Boysen einn leikmann úr hverju liði á HM sem spennandi er að fylgjast með.

Viggó varð fyrir valinu í íslenska liðinu sem mætir Grænhöfðaeyjum í fyrsta leik sínum á HM á fimmtudaginn.

„Í fjarveru Ómars Inga Magnússonar þarf Viggó Kristjánsson að taka á sig mest að ábyrgðinni í hægri skyttustöðunni hjá Íslandi. Og skiljanlega. Hann hefur oft sýnt hversu hættulegur hann er þegar hann fær tækifæri fyrir framan markið,“ skrifar Boysen.

Viggó lék mikið í vináttulandsleikjunum gegn Svíþjóð í síðustu viku. Hann skoraði sex mörk í fyrri leiknum en fjögur í þeim seinni. Viggó hefur leikið 61 landsleik og skorað 175 mörk. Hann hefur verið með á öllum stórmótum síðan EM 2020.

Hjá fyrstu mótherjum Íslands á HM, Grænhöfðaeyjum, hvetur Boysen fólk til að hafa augun á fyrirliðanum og línumanninum Paulo Moreno sem leikur með Chartres í Frakklandi.

Boysen hvetur fólk svo til að fylgjast með Hanser Rodriguez hjá Kúbu (24 hornamanni Vardar) og Domen Makuc hjá Slóveníu (24 leikstjórnanda Barcelona).