Innlent

Sleginn í höfuðið með á­haldi

Kristín Ólafsdóttir skrifar
Lögregla á Hverfisgötu rannsakar málið.
Lögregla á Hverfisgötu rannsakar málið. Vísir/vilhelm

Líkamsárás sem lýst var sem „meiriháttar“ í dagbók lögreglu í morgun reyndist ekki jafnalvarleg og talið var í fyrstu, að sögn Guðbrands Sigurðssonar, aðalvarðstjóra hjá lögreglu á höfuðborgarsvæðinu.

Fram kom í dagbók lögreglu að einn hefði verið handtekinn eftir „meiriháttar líkamsárás“ í miðborginni. Hinn grunaði hafi flúið þegar lögreglu bar að garði en hún haft hendur í hári hans eftir stutta eftirför. Ekkert frekar var gefið upp um málavexti eða hvers eðlis áverkar þolandans væru.

Guðbrandur segir að sannarlega sé um líkamsárás að ræða. Svo virðist sem gerandi hafi slegið þolanda í höfuðið með áhaldi og sá síðarnefndi hlotið höfuðáverka. Gert hafi verið að skurði á höfði hans og hann hafi verið með meðvitund allan tímann.

Málið sé því ekki jafnalvarlegt og talið hafi verið í fyrstu, og lesa hafi mátt úr færslu lögreglu í morgun.

Lögreglumál Reykjavík

Tengdar fréttir

Meiriháttar líkamsárás í miðbænum

Einstaklingur var handtekinn eftir meiriháttar líkamsárás í miðbæ Reykjavíkur í gærkvöld eða nótt. Sá grunaði hljóp á brott þegar lögreglu bar að garði en var handtekinn eftir stutta eftirför og vistaður í fangaklefa.

Mest lesið


Fleiri fréttir

Sjá meira


×

Mest lesið