Mayoral til Ís­lands

Í tilkynningu kemur fram að Mayoral bjóði upp á tískufatnað, skó og fylgihluti fyrir börn til tólf ára aldurs. Mayoral sé ein af stærstu barnafatakeðjum heims með um 10 þúsund útsölustaði í yfir hundrað löndum ásamt netverslun sem nái til 21 markaðs. Höfuðstöðvar fyrirtækisins eru í Malaga á Spáni. Ný verslun í Smáralind ásamt netverslun Mayoral.is opna samtímis á hádegi þann 1. mars. 

Lóa Dagbjört Kristjánsdóttir og Albert Þór Magnússon eru umboðsaðili Mayoral á Íslandi, en þau hafa rekið verslanir Lindex hér á landi um árabil, auk Ginu Tricot.

Í tilkynningu segir að Mayoral sé virt spænskt barnafatamerki með næstum 100 ára reynslu í hönnun og framleiðslu á fatnaði fyrir börn.

„Fyrirtækið var stofnað árið 1941 í Malaga á Spáni og er nú rekið af 4. ættlið sömu fjölskyldu. Áhersla er á að bjóða upp á hágæða, þægilegan og tískufatnað og skó á hagkvæmu verði fyrir börn á aldrinum 0-12 ára ásamt unglingastærðir upp í 16 ára. Með öflugri viðveru í yfir 100 löndum og 10.000 útsölustöðum hefur Mayoral fest sig í sessi sem eitt af leiðandi barnafatamerkjum í heiminum og eitt það stærsta í Evrópu. Fyrirtækið leggur mikla áherslu á nýsköpun, gæði og umhverfisvæna framleiðslu, sem endurspeglast í fjölbreyttu vöruúrvali, lögðu fram af kostgæfni yfir 100 hönnuða sem leggja til fjölda nýrra lína barnafatnaðar ár hvert á hagkvæmu verði,“ segir í tilkynningunni.

Unnið með Dimmalimm um árabil

Haft er eftir Juan Carlos Jimenez, yfirmanni alþjóðasviðs Mayoral, að undirbúningur fyrir opnun fyrstu verslana Mayoral á Íslandi hafi sannarlega verið okkur ánægjulegt og spennandi. „Við höfum unnið með Dimmalimm til fjölda ára og tökum nú skrefið alla leið þegar við kynnum okkur fyrir íslenskum fjölskyldum að fullu. Það er skemmtilegt skref fyrir okkur og sérstaklega í ljósi þess að geta boðið upp á vöruúrvalið í einni helstu verslunarmiðstöð landsins og á netinu, samtímis,“ segir Jimenez.

Þá segir að Mayoral hafi verið Íslendingum að góðu kunn en verslunin Dimmalimm hafi selt hluta vöruúrvals Mayoral í versluninni á Laugaveginum til fjölda ára og muni selja hluta vörulínu Mayoral áfram.

Um Mayoral Group segir að félagið bjóði upp á barnafatnað ásamt fylgihlutum og skóm fyrir börn á aldrinum 0 til 12 ára ásamt unglingastærðum upp í 16 ára. Mayoral starfrækir um 350 eigin verslanir og býður vörur sínar á yfir 10.000 útsölustöðum í yfir 100 löndum

Hjá fyrirtækinu starfa um 2.000 manns og það selur um 31 milljólir flíka ár hvert.