Fótbolti

Juventus nálgast titilbaráttuna óð­fluga

Óskar Ófeigur Jónsson skrifar
Khéphren Thuram fagnar marki sínu á móti Verona í kvöld.
Khéphren Thuram fagnar marki sínu á móti Verona í kvöld. Getty/Valerio Pennicino

Juventus vann í kvöld sinn fimmta deildasigur í röð í ítölsku Seríu A. Liðið hefur fallið út út bikarnum og Meistaradeildinni á síðustu dögum en er aftur á móti að klára deildarleiki sína. Fyrir vikið er liðið að nálgast titilbaráttuna.

Juventus var á heimavelli á móti Verona í lokaleik 27. umferðar og vann 2-0 sigur.

Frakkinn Khéphren Thuram skoraði fyrsta mark leiksins á 72. mínútu. Það stefndi í þriðja 1-0 sigur Juve manna í röð í deildinni þegar Hollendingurinn Teun Koopmeiners bætti við marki á 90. mínútu.

Það er ekki hægt að segja annað en þetta hafi verið sanngjarn sigur. Skotin enduðu 27-5 fyrir Juventus og liðið var 76 prósent með boltann.

Eftir þennan sigur þá er Juventus í fjórða sæti með 52 stig. Liðið er þremur stigum frá þriðja sætinu og sex stigum frá toppsætinu.

Napoli er nú fimm stigum á undan Juventus en í þessum síðustu fimm umferðum þá hefur Juventus fengið ellefu stigum meira en Napoli menn.

Ítalski boltinn

Mest lesið


Fleiri fréttir

Sjá meira


×

Mest lesið