„Ég veit bara að þetta er mjög vont“ Sindri Sverrisson skrifar 1. apríl 2025 07:33 Glódís Perla Viggódsóttir þarf tíma núna til að jafna sig af fyrstu alvöru meiðslum sínum. Getty/Alex Nicodim „Þetta er alveg nýtt fyrir mér en ég hef reynt að horfa á þetta sem lærdóm,“ segir Glódís Perla Viggósdóttir, fyrirliði íslenska landsliðsins og Þýskalandsmeistara Bayern München. Í fyrsta sinn á ferlinum glímir hún við meiðsli sem auk þess eru snúin og bataferlið óljóst. Hún vonast þó til að EM í sumar sé ekki í hættu. Öllum er ljóst hvílíkt áfall það er fyrir Ísland að vera án Glódísar í komandi landsleikjum, gegn Noregi á föstudag og Sviss næsta þriðjudag. Það var sömuleiðis áfall fyrir Bayern að vera án Glódísar í einvíginu við Lyon og falla úr keppni í Meistaradeild Evrópu. Fyrir hana sjálfa hlýtur það svo einnig að vera áfall að geta í fyrsta sinn á ferlinum ekki verið með á æfingum. Geta ekki gert það sem henni finnst skemmtilegast nema finna fyrir óbærilegum verkjum í hné. Versnaði rosalega í síðustu landsliðsferð „Ég er með beinmar í hnénu en samt á lærisbeininu. Ég er búin að finna fyrir þessu í svolítinn tíma en svo versnaði þetta rosalega í síðustu landsliðsferð [í lok febrúar]. Þegar ég kom heim úr þeirri ferð gerðist svo eitthvað á æfingu þannig að mér varð svo illt að ég gat ekki haldið áfram að æfa. Síðan þá er ég búin að vera í brasi með þetta,“ segir Glódís við Vísi. Í myndatöku hafi komið í ljós mjög stórt beinmar í hnénu. Slíkt sé afar óvenjulegt þegar ekki hafi orðið neitt sérstakt slys. Glódís Perla Viggósdóttir hefur aldrei misst af leikjum vegna meiðsla og harkað allt af sér en nú þarf hnéð hennar algjöra hvíld.Getty/Daniel Löb Píndi sig í gegnum lykilleiki á verkjalyfjum „Læknarnir telja að þetta sé því búið að ágerast yfir mjög langan tíma. Svo hefur eitthvað gerst sem ýtti þessu yfir þannig hjalla að þetta varð allt of vont og ekki hægt að leiða þetta hjá sér lengur. Ég hef í raun ekki æft fótbolta síðasta mánuðinn. Ég finn verk við öll högg fyrir hnéið. Verk í hverju skrefi þegar ég er að hlaupa. Þegar þetta varð svona slæmt vorum við akkúrat að fara í mestu lykilleiki tímabilsins svo við ákváðum að reyna á það hvort ég gæti spilað leikina ef ég æfði ekki neitt. Ég náði að spila 55 mínútur gegn Wolfsburg [14. mars], á verkjalyfjum, og sú ákvörðun var tekin bara um morguninn á leikdegi. Eftir það kom risabakslag og ég gat ekki verið með á æfingum í tvær vikur. Svo reyndum við þetta aftur og ég náði að spila við Leverkusen [í fyrradag] en það hefur sömu afleiðingar og síðast,“ segir Glódís. Glódís Perla Viggósdóttir með meistaraskjöldinn sem Bayern München vann síðasta vor. Hún píndi sig í gegnum mikilvæga leiki til að koma liðinu í dauðafæri á að endurtaka leikinn nú í vor.Getty/Uwe Anspach Hún hefur því fórnað sér eins og hún getur og gert að verkum að þýski meistaratitillinn og bikarmeistaratitillinn eru í augsýn. Núna þarf hún hins vegar algjöra hvíld og hana fær hún í landsleikjahléinu. Hefði þurft ofurlyf til að mæta Noregi og Sviss „Ég hefði ekki getað spilað þessa landsleiki [við Noreg og Sviss 4. og 8. apríl]. Það hefði þurft eitthvað ofurlyf til þess. Ég gat ekki skokkað eftir Wolfsburg-leikinn. Þetta er ekki auðvelt val en því miður er þetta staðan. Ég missti líka af leikjunum við Lyon í Meistaradeildinni, draumaleikjum fyrir alla, og það var alveg ömurlegt. Við duttum út þar en höfum náð að koma okkur í frábæra stöðu í deild og bikar Það eina sem ég get gert í þessu er að hvíla hnéð. Ég mun ekki æfa næstu marga daga. En þetta eru skrýtin meiðsli og ég veit ekkert um tímann sem þetta tekur. Ég veit bara að þetta er mjög vont og það tekur mjög langan tíma fyrir beinmar að lagast.“ Segir EM ekki vera í hættu Glódís, sem spilað hefur 134 A-landsleiki og er aðeins ellefu leikjum frá meti Söru Bjarkar Gunnarsdóttur, er staðráðin í að fara á sitt fjórða stórmót í júlí. En er Evrópumótið í Sviss í hættu? „Nei. Ég ætla að segja nei. Ég stefni nú á að þetta verði búið fyrir það. En þetta eru þannig meiðsli að maður veit ekkert. Síðustu fjórar vikur hef ég bara tekið dag fyrir dag,“ segir Glódís sem fagnar þrítugsafmæli rétt fyrir EM. Glódís er fyrirliði landsliðsins og besti leikmaður þess en segir liðið vel geta spjarað sig án hennar í komandi leikjum.Getty/Alex Nicodim „Ótrúlega erfitt og sárt“ Glódís viðurkennir að það sé vissulega áskorun að vera í þessum sporum – að missa í fyrsta sinn af leikjum vegna meiðsla. „Þetta er alveg nýtt fyrir mér – að geta ekki verið inni á vellinum og gert það sem ég er vön að gera. Hjálpað liðinu. En ég hef reynt að horfa á þetta sem lærdóm. Að ég muni vaxa út frá þessu og öðlast betri skilning á þessari hlið á íþróttum líka. En það var ótrúlega erfitt og sárt að sitja og horfa á leikina, sérstaklega í Meistaradeildinni. Það verður líka mjög sárt að horfa á landsleikina í sjónvarpinu.“ Hún hefur síðustu vikur verið í góðu sambandi við Þorstein Halldórsson landsliðsþjálfara og treystir á liðsfélaga sína í landsliðinu til að ná góðum úrslitum í komandi leikjum, til að Ísland haldi sér í A-deild Þjóðadeildarinnar. Leikina, sem fram fara á Þróttarvelli, horfir Glódís á heima í München. „Ég var í mjög góðu sambandi við Steina og hann var líka í mjög góðu sambandi við Bayern, allan síðasta mánuð. Steini er búinn að vera alveg frábær. Mikill stuðningur í honum. Auðvitað er þetta ótrúlega erfið ákvörðun að taka og mig langar auðvitað að geta verið með landsliðinu en reynslan síðasta mánuðinn segir að það tekur mig tvær vikur að jafna mig eftir leiki, og því miður eru fjórir og átta dagar í leiki. Þetta er of stuttur tími Ég veit að stelpurnar munu standa sig gríðarlega vel í þessu verkefni og hundrað prósent verða okkur til sóma. Við erum með frábæran hóp og það kemur maður í manns stað.“ Landslið kvenna í fótbolta Þjóðadeild kvenna í fótbolta Þýski boltinn Tengdar fréttir Glódís ekki með í landsleikjunum Í fyrsta sinn frá því hún byrjaði að spila með íslenska landsliðinu 2012 missir Glódís Perla Viggósdóttir af landsleikjum vegna meiðsla. 31. mars 2025 10:37 Ekki þess virði að taka áhættu með Glódísi „Hún á við meiðsli að stríða og er bara ekki klár í þessa landsleiki,“ segir Þorsteinn Halldórsson, landsliðsþjálfari, um Glódísi Perlu Viggósdóttur sem missir af leikjunum mikilvægu við Noreg og Sviss í Þjóðadeildinni. 31. mars 2025 11:31 Mest lesið Í beinni: Grindavík - Stjarnan | Heldur spennan áfram í Smáranum? Körfubolti Stuðningsmenn Vestra úti í horni vegna kröfu um aðskilnað Íslenski boltinn „Skil bara ekki að KSÍ leyfi þetta“ Íslenski boltinn Ítölsk stelpa ferðaðist 1.800 kílómetra til að sjá Jón Axel Körfubolti „Hætti þessari fortíðarþráhyggju minni með Vestmannaeyjar“ Handbolti Í beinni: Afturelding - Víkingur | Verða gestirnir einir með fullt hús stiga? Íslenski boltinn Uppgjörið: FH - Fram 36-20 | FH ætlaði augljóslega ekki í snemmbúið sumarfrí Handbolti Uppgjörið: ÍBV - Fram 3-1 | Verðskuldaður sigur Eyjamanna Íslenski boltinn Leicester kveður „geitina“ sem félagið sótti í utandeildina Enski boltinn Alfreð kom öllum á óvart með vali sínu Handbolti Fleiri fréttir Hlynur Freyr tryggði Brommapojkarna stig Kolbeinn vildi rautt á Arnór Ingva í dramatískum sigri Í beinni: Afturelding - Víkingur | Verða gestirnir einir með fullt hús stiga? Stuðningsmenn Vestra úti í horni vegna kröfu um aðskilnað Uppgjörið: ÍBV - Fram 3-1 | Verðskuldaður sigur Eyjamanna Pjakkarnir erlendis þegar KR mætir Blikum „Skil bara ekki að KSÍ leyfi þetta“ Sjáðu hetjumark Höskuldar, kvartettinn í Kaplakrika og öll hin frá því í gær Hættir eftir langan tíma og Orri fær nýjan þjálfara Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Fór út í dulargervi eftir að Barton byrjaði að bauna á hana Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sjá meira
Öllum er ljóst hvílíkt áfall það er fyrir Ísland að vera án Glódísar í komandi landsleikjum, gegn Noregi á föstudag og Sviss næsta þriðjudag. Það var sömuleiðis áfall fyrir Bayern að vera án Glódísar í einvíginu við Lyon og falla úr keppni í Meistaradeild Evrópu. Fyrir hana sjálfa hlýtur það svo einnig að vera áfall að geta í fyrsta sinn á ferlinum ekki verið með á æfingum. Geta ekki gert það sem henni finnst skemmtilegast nema finna fyrir óbærilegum verkjum í hné. Versnaði rosalega í síðustu landsliðsferð „Ég er með beinmar í hnénu en samt á lærisbeininu. Ég er búin að finna fyrir þessu í svolítinn tíma en svo versnaði þetta rosalega í síðustu landsliðsferð [í lok febrúar]. Þegar ég kom heim úr þeirri ferð gerðist svo eitthvað á æfingu þannig að mér varð svo illt að ég gat ekki haldið áfram að æfa. Síðan þá er ég búin að vera í brasi með þetta,“ segir Glódís við Vísi. Í myndatöku hafi komið í ljós mjög stórt beinmar í hnénu. Slíkt sé afar óvenjulegt þegar ekki hafi orðið neitt sérstakt slys. Glódís Perla Viggósdóttir hefur aldrei misst af leikjum vegna meiðsla og harkað allt af sér en nú þarf hnéð hennar algjöra hvíld.Getty/Daniel Löb Píndi sig í gegnum lykilleiki á verkjalyfjum „Læknarnir telja að þetta sé því búið að ágerast yfir mjög langan tíma. Svo hefur eitthvað gerst sem ýtti þessu yfir þannig hjalla að þetta varð allt of vont og ekki hægt að leiða þetta hjá sér lengur. Ég hef í raun ekki æft fótbolta síðasta mánuðinn. Ég finn verk við öll högg fyrir hnéið. Verk í hverju skrefi þegar ég er að hlaupa. Þegar þetta varð svona slæmt vorum við akkúrat að fara í mestu lykilleiki tímabilsins svo við ákváðum að reyna á það hvort ég gæti spilað leikina ef ég æfði ekki neitt. Ég náði að spila 55 mínútur gegn Wolfsburg [14. mars], á verkjalyfjum, og sú ákvörðun var tekin bara um morguninn á leikdegi. Eftir það kom risabakslag og ég gat ekki verið með á æfingum í tvær vikur. Svo reyndum við þetta aftur og ég náði að spila við Leverkusen [í fyrradag] en það hefur sömu afleiðingar og síðast,“ segir Glódís. Glódís Perla Viggósdóttir með meistaraskjöldinn sem Bayern München vann síðasta vor. Hún píndi sig í gegnum mikilvæga leiki til að koma liðinu í dauðafæri á að endurtaka leikinn nú í vor.Getty/Uwe Anspach Hún hefur því fórnað sér eins og hún getur og gert að verkum að þýski meistaratitillinn og bikarmeistaratitillinn eru í augsýn. Núna þarf hún hins vegar algjöra hvíld og hana fær hún í landsleikjahléinu. Hefði þurft ofurlyf til að mæta Noregi og Sviss „Ég hefði ekki getað spilað þessa landsleiki [við Noreg og Sviss 4. og 8. apríl]. Það hefði þurft eitthvað ofurlyf til þess. Ég gat ekki skokkað eftir Wolfsburg-leikinn. Þetta er ekki auðvelt val en því miður er þetta staðan. Ég missti líka af leikjunum við Lyon í Meistaradeildinni, draumaleikjum fyrir alla, og það var alveg ömurlegt. Við duttum út þar en höfum náð að koma okkur í frábæra stöðu í deild og bikar Það eina sem ég get gert í þessu er að hvíla hnéð. Ég mun ekki æfa næstu marga daga. En þetta eru skrýtin meiðsli og ég veit ekkert um tímann sem þetta tekur. Ég veit bara að þetta er mjög vont og það tekur mjög langan tíma fyrir beinmar að lagast.“ Segir EM ekki vera í hættu Glódís, sem spilað hefur 134 A-landsleiki og er aðeins ellefu leikjum frá meti Söru Bjarkar Gunnarsdóttur, er staðráðin í að fara á sitt fjórða stórmót í júlí. En er Evrópumótið í Sviss í hættu? „Nei. Ég ætla að segja nei. Ég stefni nú á að þetta verði búið fyrir það. En þetta eru þannig meiðsli að maður veit ekkert. Síðustu fjórar vikur hef ég bara tekið dag fyrir dag,“ segir Glódís sem fagnar þrítugsafmæli rétt fyrir EM. Glódís er fyrirliði landsliðsins og besti leikmaður þess en segir liðið vel geta spjarað sig án hennar í komandi leikjum.Getty/Alex Nicodim „Ótrúlega erfitt og sárt“ Glódís viðurkennir að það sé vissulega áskorun að vera í þessum sporum – að missa í fyrsta sinn af leikjum vegna meiðsla. „Þetta er alveg nýtt fyrir mér – að geta ekki verið inni á vellinum og gert það sem ég er vön að gera. Hjálpað liðinu. En ég hef reynt að horfa á þetta sem lærdóm. Að ég muni vaxa út frá þessu og öðlast betri skilning á þessari hlið á íþróttum líka. En það var ótrúlega erfitt og sárt að sitja og horfa á leikina, sérstaklega í Meistaradeildinni. Það verður líka mjög sárt að horfa á landsleikina í sjónvarpinu.“ Hún hefur síðustu vikur verið í góðu sambandi við Þorstein Halldórsson landsliðsþjálfara og treystir á liðsfélaga sína í landsliðinu til að ná góðum úrslitum í komandi leikjum, til að Ísland haldi sér í A-deild Þjóðadeildarinnar. Leikina, sem fram fara á Þróttarvelli, horfir Glódís á heima í München. „Ég var í mjög góðu sambandi við Steina og hann var líka í mjög góðu sambandi við Bayern, allan síðasta mánuð. Steini er búinn að vera alveg frábær. Mikill stuðningur í honum. Auðvitað er þetta ótrúlega erfið ákvörðun að taka og mig langar auðvitað að geta verið með landsliðinu en reynslan síðasta mánuðinn segir að það tekur mig tvær vikur að jafna mig eftir leiki, og því miður eru fjórir og átta dagar í leiki. Þetta er of stuttur tími Ég veit að stelpurnar munu standa sig gríðarlega vel í þessu verkefni og hundrað prósent verða okkur til sóma. Við erum með frábæran hóp og það kemur maður í manns stað.“
Landslið kvenna í fótbolta Þjóðadeild kvenna í fótbolta Þýski boltinn Tengdar fréttir Glódís ekki með í landsleikjunum Í fyrsta sinn frá því hún byrjaði að spila með íslenska landsliðinu 2012 missir Glódís Perla Viggósdóttir af landsleikjum vegna meiðsla. 31. mars 2025 10:37 Ekki þess virði að taka áhættu með Glódísi „Hún á við meiðsli að stríða og er bara ekki klár í þessa landsleiki,“ segir Þorsteinn Halldórsson, landsliðsþjálfari, um Glódísi Perlu Viggósdóttur sem missir af leikjunum mikilvægu við Noreg og Sviss í Þjóðadeildinni. 31. mars 2025 11:31 Mest lesið Í beinni: Grindavík - Stjarnan | Heldur spennan áfram í Smáranum? Körfubolti Stuðningsmenn Vestra úti í horni vegna kröfu um aðskilnað Íslenski boltinn „Skil bara ekki að KSÍ leyfi þetta“ Íslenski boltinn Ítölsk stelpa ferðaðist 1.800 kílómetra til að sjá Jón Axel Körfubolti „Hætti þessari fortíðarþráhyggju minni með Vestmannaeyjar“ Handbolti Í beinni: Afturelding - Víkingur | Verða gestirnir einir með fullt hús stiga? Íslenski boltinn Uppgjörið: FH - Fram 36-20 | FH ætlaði augljóslega ekki í snemmbúið sumarfrí Handbolti Uppgjörið: ÍBV - Fram 3-1 | Verðskuldaður sigur Eyjamanna Íslenski boltinn Leicester kveður „geitina“ sem félagið sótti í utandeildina Enski boltinn Alfreð kom öllum á óvart með vali sínu Handbolti Fleiri fréttir Hlynur Freyr tryggði Brommapojkarna stig Kolbeinn vildi rautt á Arnór Ingva í dramatískum sigri Í beinni: Afturelding - Víkingur | Verða gestirnir einir með fullt hús stiga? Stuðningsmenn Vestra úti í horni vegna kröfu um aðskilnað Uppgjörið: ÍBV - Fram 3-1 | Verðskuldaður sigur Eyjamanna Pjakkarnir erlendis þegar KR mætir Blikum „Skil bara ekki að KSÍ leyfi þetta“ Sjáðu hetjumark Höskuldar, kvartettinn í Kaplakrika og öll hin frá því í gær Hættir eftir langan tíma og Orri fær nýjan þjálfara Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Fór út í dulargervi eftir að Barton byrjaði að bauna á hana Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sjá meira
Glódís ekki með í landsleikjunum Í fyrsta sinn frá því hún byrjaði að spila með íslenska landsliðinu 2012 missir Glódís Perla Viggósdóttir af landsleikjum vegna meiðsla. 31. mars 2025 10:37
Ekki þess virði að taka áhættu með Glódísi „Hún á við meiðsli að stríða og er bara ekki klár í þessa landsleiki,“ segir Þorsteinn Halldórsson, landsliðsþjálfari, um Glódísi Perlu Viggósdóttur sem missir af leikjunum mikilvægu við Noreg og Sviss í Þjóðadeildinni. 31. mars 2025 11:31