Há­tíð­legur páskamatseðill að hætti Móniku á Apó­tekinu

Uppskriftirnar eru fyrir fjóra.

Burrata ostur með jarðaberja mango salsa

„Frekar einfaldur, og góður forréttur sem klikkar seint. Burrata ostur með jarðaberja mango salsa, basil olíu, pistasíum, stökkri hráskinku og ristuðu baguette brauði.“

Hráefni og aðferð

Þrjú box af burrata, það eru tvær litlar kúlur í einu boxi

1 pakki hráskinska  -steikt  á heitri pönnu þar til hún er orðin krispí.

Jarðaberja mango salsa:

50 gr pistasíur, saxaðar.

100 gr jarðaber

1 stk mango

1 börkur af sítrónu

Safi úr einni sítrónu

Fjögur basil lauf

Aðferð:

Skerið jarðaberinn og mangóið í litla bita og setjið sítrónu börk og safann út í.

Saxið svo basil laufin niður og setjið út í skálina og blandið öllu vel saman.

Basil olía: 

100 gr basil

200 gr sólblóma- eða repjuolía 

Aðferð:

Setjið alla basilikuna, ásamt stilkinum, ofnan í blandara ásamt olíu, blandið þar til olina í blandaranum er orðin heit og dökk græn á litinm.

Sigtið olíuna, gott að nota osta klút eða hreina tusku ofan í sigtunum til að olían verði tær og falleg.

Setjið olíuna í kæli. Má útbúa hana daginn áður.

Raðið saman:

Setjið smá basil olíu yfir diskinn áður en þið raðið restinni af hráefninu.

Raðið burrata á diskinn og gott er að rífa smá þannig hann opnast örlítið.

Salsanu er dreift um diskinn og pistasíunum stráð yfir.

Raðið stökku hráskinkunni yfir.

Berið fram með ristuðu baguette brauði.

Kryddhjúpuð lambakóróna með sinnepssósu

Hráefni:

4 stk lambakórónur (1kg)

50 gr parmesan 

200 gr brauðraspur

2 stk hvítlauksrif

100 gr steinselja

50 gr timjan 

Aðferð:

Setjið parmesan, hvítlauk, steinselju, timjan og brauð raspinn í matvinnsluvél og bladið vel saman.

Lambakórónan er pönnusteikt á heitri pönnu á báðum hliðum með smjöri.

Þegar lambið er komið með flottan lit á báðum hliðum er henni vellt upp úr raspinum og sett í eldfast mót og inn í ofn á 200°C.

Þegar kjarnhiti á lambinu nær 58°C er það tekið út og látið hvíla á borðinu.

Meðlæti

Pommes Anna kartöflur

6 stk bökunarkartöflur.

Fjórar greinar timjan.

2 stk hvítlauksgeirar

100 gr smjör

Salt og pipar 

Aðferð:

Byrjið á að setja smjörið í pott ásamt timjan og hvítlauk og hitið saman.

Skrælið kartöflurnar og skerið í mandolini í þunnar sneiðar og setjið í skál.

Hellið smjörinu yfir og fjarlægið hvítlaukinn og timjanið.

Blandið öllu vel saman og setið salt og pipar út í.

Takið næst eldfast mót og látið bökunarpappír ofan í og raðið kartöflunum.

Hellið restinni af smjörinu ofan á og leggið bökunarpappír yfir.

Setjið svo annað eldfast mót ofan á fyrir smá þyngsli og bakið við 200°C í 30-40 mínútur.

Hægt er að bera þær fram í eldfasta mótinu eða að kæla þær í kæli, gott er að gera þetta daginn fyrir þá ná kartöflurnar að festast betur saman.

Þegar þær hafa kólnað eru þær teknar úr eldfasta mótinu og skornar í fallegar ferhyrnda bita.

Steikið bitina upp úr smjöri á öllum hliðum þar til þær eru orðnar gullinbrúnar.

Rósmarín gulrætur

500 gr gulrætur

100 gr smjör

4 greinar af rósmarín

Salt

Aðferð:

Bræðið smjör í potti ásamt rósmarín og hellið yfir gulræturnar í eldföstu móti.

Bakið svo í ofni við 200°C í 15-20 mínutur eða þar til þær eru eldaðar í gegn. 

Pikklaður skarlottulaukur

5 stk skarlottu laukur

3 dl vatn

2 dl sykur

1 dl epla edik

1 tsk salt

2 msk rauðrófu djús, má sleppa en gerir litinn fallegan. 

Aðferð:

Pillið skarlottulaukinn og skerið hann í tvennt.

Setjið vatn, sykur, edik og salt í pott og hitið þar til sykurinn er búin að leysast upp.

Setjið næst skarlottulaukinn í hreina krukku og hellið vökvanum ofan í og leyfið að standa í klukkustund. Laukurin geymist í allt að 2 vikur í ísskáp.Gott er að gera þetta nokkrum dögum fyrir.

Þegar það á að nota laukinn með matnum er hann steiktur á pönnu þar til hann karmlíserast.

Sinnepssósa

500 ml rjómi

500 ml kjuklingasoð

2 msk dijon sinnep

3 msk gróft sinnep 

1 msk hunang

Salt

Aðferð:

Sjóðið saman rjóma og kjúklingasoð niður um fjórðun.

Þá er sinnepinu og hunanginu bætt við og smakkað til með salti.

Lime passion skyrmús 

Skyrmús

200 gr hreint skyr

150 gr rjómi

150 gr passion púrra 

200 gr hvítt súkkulaði

Börkur af tveimur límónum

150 gr þeyttur rjómi

Aðferð:

Hitið saman rjóma og passion púrruna, hellið yfir súkkulaðið og blandið vel saman þar til allt súkkulaðið hefur bráðnað.

Raspið næst límónubörkinn ofan í og bætið skyrinu við með sleikju og blandað allt vel saman.

Léttþeytið rjómann og blandið honum varlega við blönduna.

Hellið blöndunni í glösin yfir svampbotninn og kælið í þrjá tíma eða yfir nótt.

Lime svamp kaka

250 gr sykur

150 gr smjör

3 stk egg

Safir úr tveimur límónum

Börkur af einni límónu

1 tsk vanilludropar

180 gr súrmjólk

130 gr hveiti

2 tsk lyftiduft

 ½ tsk salt

Aðferð: 

Stillið ofninn á 180°C og blástur og takið ofnplötuna út.

Setjið næst sykur og smjör í hrærivel og blandið saman þar til blandan verður létt og ljós. Gott að hræra með sleikju inn á milli til að passa að öllu sé vel blandað saman.

Bætið næst einu og einu eggi út í og hrærið vel á milli.

Þegar eggin hafa blandast vel er við límónuberkinum bætt út í ásamt límónusafanum, vanilludropum og súrmjólk. Blandið öllu vel saman.

Næst er þurrefnunum hrært saman í annarri skál. Notið sigti til að setja þurrblönduna ofan í hina.

Hrærið öllu vel saman. Gott að taka aftur sleikju og fara í kantana til að passa að allt hafi blandist vel saman.

Setjið bökunarpappír á ofnskúffuna og dreifið blöndunni jafnt og þétt yfir plötuna.

Bakið í 10-15 mínútur eða þar til kakan er orðin gullinbrún.

Látið kökuna kólna áður en hún er skorin þá stærð sem glasið er sem hún verður borin fram í .

Passion sósa

200 gr ástaraldin

90 gr sykur

4 stk mintu lauf

Börkur af einni límónu 

Safi úr einni límónu

Aðferð:

Blandið öllum hráefnunum saman í potti og hitið þar til sykurinn hefur leysts upp.

Leyfið sósunni að kólna áður en þið hellið henni er yfir skyrmúsina.

Skreytið með fallegum blómum og myntulaufum.