Innlent

Helsti valda­maður flugsins var oftast utan sviðsljóssins

Kristján Már Unnarsson skrifar
Grétar Br. Kristjánsson lögmaður vann allan sinn starfsferil hjá Loftleiðum og síðar Flugleiðum og sat lengst allra í stjórn Flugleiða.
Grétar Br. Kristjánsson lögmaður vann allan sinn starfsferil hjá Loftleiðum og síðar Flugleiðum og sat lengst allra í stjórn Flugleiða. Egill Aðalsteinsson

Hann var einn valdamesti maður íslenska fluggeirans um áratugaskeið og sá sem lengst allra sat í stjórn Flugleiða. Hann stóð þó utan sviðsljóssins þrátt fyrir að hafa allan sinn starfsferil jafnframt verið einn af lykilstjórnendum Loftleiða og síðar Flugleiða.

Í þættinum Ísland í dag á Stöð 2 rifjar Grétar Br. Kristjánsson lögmaður upp átakatíma í kringum flugfélögin og segir sögur úr fluginu. 

Grétar var orðinn lögfræðingur og hafði sérmenntað sig í alþjóðaflugrétti í Kanada þegar hann var ráðinn framkvæmdastjóri afgreiðslufyrirtækis Loftleiða á Keflavíkurflugvelli árið 1965 en því starfi gegndi hann til ársins 1973.

Faðir hans, Kristján Guðlaugsson, hæstaréttarlögmaður og ritstjóri Vísis, var stjórnarformaður Loftleiða frá árinu 1953 til sameiningar flugfélaganna árið 1973 og síðar einnig Flugleiða um skamman tíma.

Kristján Guðlaugsson, faðir Grétars, var stjórnarformaður Loftleiða frá 1953 til 1973.Úr myndinni Alfreð Elíasson og Loftleiðir

Grétar átti einnig eftir að verða náinn samstarfsmaður Alfreðs Elíassonar forstjóra.

„Svo hringdi Alfreð í mig. Hann var orðinn mjög veikur. Og ég var ráðinn staðgengill hans ’73, allt árið. Þá var búið að semja um sameininguna svo mitt starf var bara að halda í horfinu. Það var ekki hægt að ráða neinn forstjóra endanlega á þessum tíma,“ segir Grétar.

Það var helst að Grétar birtist opinberlega á ljósmyndum af stjórn Flugleiða. Hann var varaformaður stjórnar um átján ára skeið.Icelandair

Hann sat í stjórn Flugleiða í 32 ár, þar af sem varaformaður stjórnar í 18 ár.

Ísland í dag Icelandair Fréttir af flugi Flugþjóðin

Tengdar fréttir

Gullaldarárin þegar flugið varð stór uppspretta þjóðartekna

Loftleiðabyggingarnar á Reykjavíkurflugvelli eru helsta táknmynd þess peningaflæðis sem fylgdi sókn Íslendinga inn á alþjóðlegan flugmarkað á árunum milli 1960 og ‘70 og gerði flugið að einum þýðingarmesta þætti efnahagslífsins.

Flugvélarnar sem gerðu Loftleiðir að stórveldi

Velgengni Loftleiða í Norður-Atlantshafsfluginu hófst fyrir alvöru með DC 6B-flugvélum. Það voru hins vegar Rolls Royce 400-skrúfuþoturnar, CL-44, eða monsarnir, sem gerðu Loftleiðir að stórveldi í íslensku efnahagslífi.

Mest lesið


Fleiri fréttir

Sjá meira


×

Mest lesið