Fótbolti

Katla á skotskónum í fimmta sigrinum í röð

Óskar Ófeigur Jónsson skrifar
Katla Tryggvadóttir kom sínu liði á bragðið í dag og sigurgangan hélt áfram.
Katla Tryggvadóttir kom sínu liði á bragðið í dag og sigurgangan hélt áfram. Getty/Harry Murphy -

Katla Tryggvadóttir bar fyrirliðabandið og skoraði fyrsta markið þegar Kristianstad hélt áfram sigurgöngu sinni í sænska kvennafótboltanum.

Kristianstad heimsótti Alingsås og fór heim með öll þrjú stigin eftir 3-0 sigur.

Kristianstad hefur nú unnið fimm deildarleiki í röð og í fjórða sæti deildarinnar. Liðið vann aðeins einn af fyrstu fimm leikjunum en hefur síðan verið á miklu flugi.

Katla skoraði fyrsta markið á 29. mínútu og Tilda Persson bætti við marki á 43. minutu.

Alexandera Jóhannsdóttir var líka í byrjunarliði Kristianstad en Guðný Árnadóttir kom inn á sem varamaður á 60. mínútu.

Beata Olsson innsiglaði flottan sigur á lokamínútu leiksins.

Sænski boltinn

Mest lesið


Fleiri fréttir

Sjá meira


×

Mest lesið