Innlent

Ágúst Ólafur að­stoðar borgar­stjóra

Jón Ísak Ragnarsson skrifar
Ágúst Ólafur Ágústsson er nýr aðstoðarmaður Heiðu Bjargar Hilmisdóttur.
Ágúst Ólafur Ágústsson er nýr aðstoðarmaður Heiðu Bjargar Hilmisdóttur. Reykjavík

Ágúst Ólafur Ágústsson hefur verið ráðinn nýr aðstoðarmaður Heiðu Bjargar Hilmisdóttur borgarstjóra. Ágúst hefur störf 13. júní næstkomandi.

Starfsferill Ágústs er reifaður í tilkynningu frá Reykjavíkurborg:

„Ágúst Ólafur er fyrrverandi alþingismaður og efnahagsráðgjafi forsætisráðherra. Þá sat hann í bankaráði Seðlabanka Íslands í fjögur ár og gegndi meðal annars formennsku í viðskiptanefnd Alþingis, Evrópunefnd forsætisráðherra og í framkvæmdastjóði aldraða.“

Ágúst sat á þingi fyrir Samfylkinguna árin 2003-2009 og 2017-2021. Þá var hann ráðinn efnahagsráðgjafi Jóhönnu Sigurðardóttur forsætisráðherra haustið 2012.

„Hann vann sem sérfræðingur á aðalskrifstofu Sameinuðu þjóðanna í New York og hefur að undanförnu stundað doktorsnám í opinberri stjórnsýslu. Samhliða hefur hann kennt við Háskóla Íslands ásamt því að sinna ráðgjafarstörfum meðal annars fyrir Sjúkraliðafélag Íslands, Rannsóknarsetur skapandi greina og Ljósið,“ segir í tilkynningu Reykjavíkurborgar.

„Ágúst er menntaður lögfræðingur, hagfræðingur og stjórnsýslufræðingur og á sæti í stjórn Dýraverndarsambands Íslands og Evrópuhreyfingarinnar.“

Þá segir að Katrín M. Guðjónsdóttir hafi beðist lausnar frá starfi og Ágúst hefji störf 13. júní næstkomandi.

Borgarstjórn Samfylkingin Reykjavík

Tengdar fréttir

Ágúst Ólafur ráðinn ráðgjafi Jóhönnu

Ágúst Ólafur Ágústsson, fyrrverandi varaformaður Samfylkingarinnar, hefur verið ráðinn sem efnahags- og atvinnuráðgjafi forsætisráðherra. Ágúst Ólafur sem er lögfræðingur- og hagfræðingur að mennt hefur störf hinn 1. nóvember næstkomandi. Ágúst Ólafur tekur við starfinu af Sigurði Snævarr, hagfræðingi, en tveggja ára tímabundinn ráðningarsamningur hans við ráðuneytið rann út 1. október síðastliðinn og hefur Sigurður ákveðið að snúa sér að öðrum verkefnum. Ágúst Ólafur er ráðinn á grundvelli nýlegra laga um Stjórnarráð Íslands, þar sem fjallað er um aðstoðarmenn ráðherra.

Mest lesið


Fleiri fréttir

Sjá meira


×

Mest lesið