Stuðnings­menn Inter og AC dæmdir fyrir mafíu­tengsl

Þetta eru svokallaðir öfgastuðningsmenn, kallaðir Ultras. Þeir voru dæmdir fyrir morð, fjárkúgun og glæpsamleg tengsl við ítölsku mafíuna.

Dómarinn féllu eftir flýtimeðferð fyrir luktum dyrum en dómsalurinn er hluti af öryggisfangelsi San Vittore sem er fangelsi í Mílanó. ESPN segir frá.

Lögreglan hafði handtekið nítján manns í september síðastliðnum eftir rannsókn saksóknara en sérskipaður saksóknari gegn mafíustarfsesmi á Ítalíu tók einnig þátt í henni.

Þessi dómstóll tók fyrir mál sextán af þessum nítján aðilum en annað réttarhald verður yfir hinum þremur. Þeir eru allir öfgastuðningsmenn AC MIlan. Sá dómur mun falla 19. júní.

Saksóknarar héldu því fram að öfgastuðningsmannahóparnir hafi hegðað sér eins og einkaher fyrir utan fótboltaleikvanginn og um leið hafi þeir verið í beinu sambandi við mafíuna og hægriöfgahópa.

Tvö hundruð stuðningsmenn AC Milan mættu fyrir utan fangelsið til að sýna kollegum sínum stuðning.

Sá sem fékk lengsta dóminn, eða tíu ár, var Andrea Beretta, fyrrum leiðtogi öfgastuðningsmannahóps Internazionle. Hann hafði játað að hafa myrt Antonio Bellocco, annan meðlim í öfgastuðningsmannahóp Inter.

Beretta fékk samt styttri dóm af því að hann aðstoðaði saksóknara við rannsóknina og gerðist ríkisvitni gegn því að fá styttri dóm.