Getur fengið fangelsis­dóm fyrir of­beldi gagn­vart dómara

Þetta kemur eftir að meðhöndlun dómara í Ítalíu hefur versnað undanfarið. Leikmenn, þjálfarar og aðrir gætu því fengið mun verri refsingu fyrir að ýta, slá eða hóta dómurum.

„Þeir sem samþykkja ekki, eru varaðir við: Frá morgundeginum verður ofbeldi og árásargirni gagnvart dómurum refsað án tafar, jafnvel með fangelsisdóm,“ sagði Andrea Ostellari vara dómsmálaráðherra Ítalíu.

Ríkisstjórnin hefur verið í sambandi við ítölsku dómarasamtökin síðan í desember. Í þeim mánuði skörtuðu dómarar í Serie A svartri málningu á kinn í mótmælaskyni.