Tom Brady setur LeBron James fyrir ofan Jordan

Tom Brady er aftur á móti, talinn af langflestum, vera besti leikmaður allra tíma í NFL deild ameríska fótboltans. Hann átti ótrúlegan feril og varð sjö sinnum meistari á árunum 2002 til 2021.

Brady blandaði sér nýverið í umræðuna um besta körfuboltamann sögunnar.

Brady er fæddur árið 1977 og upplifði því bæði yfirburðastöðu og áhrif Michael Jordan sem og magnaðan feril LeBrons James.

Brady er hins vegar á því að LeBron James sé besti leikmaður allra tíma en ekki Jordan.

„Þið fáið að vera vitni af besta leikmanni allra tíma spila og ég vona að þið kunnið að meta það,“ sagði Tom Brady um LeBron James.

Brady hrósaði LeBron fyrir það að gera alltaf það rétta í stöðunni sama í hvaða liði hann er.

Það verður þó að taka það fram að LeBron James sat við hliðina á Brady þegar hann lét þessi orð falla eins og sjá má með því að fletta hér fyrir neðan.

Jordan varð sex sinnum NBA meistari, tíu sinnum stigakóngur deildarinnar og fimm sinnum var hann valinn mikilvægasti leikmaður ársins. Meðaltöl Jordan voru 30,1 stig, 6,2 fráköst og 5,3 stoðsendingar í leik.

LeBron hefur orðið fjórum sinnum NBA meistari, einu sinni stigakóngur deildarinnar og fjórum sinnum var hann valinn mikilvægasti leikmaður ársins. Meðaltöl James eru 27,0 stig, 7,5 fráköst og 7,4 stoðsendingar í leik. Enginn leikmaður hefur skorað fleiri stig á NBA ferlinum en James.