Zlatan sendi sænsku táningsstelpunni skila­boð eftir vítaklúðrið

Hin átján ára gamla Holmberg var send til að taka víti í vítakeppninni, þrátt fyrir að reynslumeiri leikmenn höfðu enn ekki tekið víti og stelpugreyið klúðraði síðan vítinu. Þetta vítaklúður hennar tryggði enska liðinu sigurinn og sæti í átta liða úrslitum.

Holmberg hágrét eftir vítaklúðrið en liðsfélagarnir reyndu sitt besta til að hugga hana.

Faðir Holmberg sagði að dóttir sína hafi fengið skilaboð frá Ibrahimovic eftir leikinn.

„Það var sorgmædd dóttir sem ég hélt utan um klukkutíma eftir leikinn,“ sagði Ola Persson, faðir Smillu.

„Hún er sterk og hefur líka fengið mikinn stuðning, frá liðinu, stuðningsmönnum, vinum og ættingjum. Hún fékk meira að segja textaskilaboð frá Zlatan í morgun,“ sagði Persson.

Zlatan er átrúnaðargoð hjá Smillu og skilaboðin skiptu hana miklu máli. Zlatan sagði henni að halda ótrauð áfram, taka næsta víti og næsta á eftir því og halda áfram að trúa á sig sjálfa.

„Það mikilvægasta í þessu er að vítaklúður skilgreinir ekki feril hjá neinum leikmanni. Þvert á móti, þú lærir og þroskast í svona kringumstæðum,“ sagði Persson.

Zlatan er markahæsti leikmaður sænska karlalandsliðsins frá upphafi og frægasti knattspyrnumaður Svía fyrr og síðar. Hann er meðeigandi af Hammarby, liði í Stokkhólmi sem Smilla Holmberg spilar með.