Risa­skipti í NFL: Launa­hæstur í sögunni fyrir utan leik­stjórn­endur

Parsons mun skrifa undir fjögurra ára samning við Packers sem færir honum 188 milljónir Bandaríkjadala í laun. Það gera rúmlega 23 milljarða íslenskra króna.

Hinn 26 ára Parsons verður launahæsti leikmaður í sögu NFL ef leikstjórnendur eru frátaldir.

Í staðinn fyrir Parsons fékk Cowboys Kenny Clark og tvo valrétti í 1. umferð nýliðavalsins.

Cowboys valdi Parsons með tólfta valrétti í nýliðavalinu 2021. Hann var valinn nýliði ársins 2021 af varnarmönnum.

Parsons var á lokaári samnings síns við Cowboys og viðræður um nýjan samning höfðu engu skilað. Í síðasta mánuði sagðist hann svo ekki lengur vilja spila fyrir Kúrekana.

Parsons og félagar í Packers mæta Detroit Lions í fyrsta leik sínum á komandi tímabili sunnudaginn 7. september.