Kom að fjór­tán mörkum í stór­sigri á Leipzig

Magdeburg hefur unnið sjö af fyrstu átta leikjum sínum í þýsku deildinni og gert eitt jafntefli. Liðið er í 2. sæti, einu stigi á eftir Flensburg sem hefur spilað einum leik meira.

Ómar Ingi skoraði ekki bara sjö mörk úr níu skotum í leiknum í dag heldur gaf hann sjö stoðsendingar. Gísli skoraði sjö mörk úr átta skotum og Elvar Örn Jónsson skoraði þrjú mörk.

Blær Hinriksson skoraði tvö mörk fyrir Leipzig sem er án sigurs á botni deildarinnar.

Gummersbach beið lægri hlut fyrir Hamburg, 31-30. Einar Þorsteinn Ólafsson og félagar í Hamburg hafa unnið tvo leiki í röð og eru í 10. sæti með níu stig.

Elliði Snær Viðarsson og Teitur Örn Einarsson skoruðu tvö mörk hvor fyrir Gummersbach sem er með fjórtán stig í 6. sæti deildarinnar. Guðjón Valur Sigurðsson þjálfar Gummersbach.