Sport

„Þetta var erfiður sigur hjá okkur“

Stefán Marteinn Ólafsson skrifar
Abby Beeman leikmaður Grindavíkur
Abby Beeman leikmaður Grindavíkur Grindavík Körfuknattleiksdeild

Grindavík var öflugan sigur á liði Stjörnunnar í kvöld en eftir gríðarlega jafnan leik framan af náði Grindavík að tryggja sér sigurinn í fjórða leikhluta. Abby Beeman átti góðan leik í liði Grindavíkur.

„Við vissum að þær myndu gefa sitt besta í þennan leik og þær eru mjög aggresíft lið og spila fast svo þetta var erfiður sigur hjá okkur“ sagði Abby Beeman eftir sigurinn í kvöld.

„Við lentum í því að missa út leikmenn í meiðsli en við reyndum bara að þjappa okkur saman, sýna einbeitingu og ná upp góðri vörn í fjórða leikhluta“

Stjarnan gaf liði Grindavíkur hörkuleik í kvöld og var að skapa fullt af vandræðum fyrir Grindavík.

„Já ég myndi segja það. Ég held að allir leikir skapi einhver vandræði fyrir okkur. Þær eru með snögga bakverði en við erum með stærra lið. Þetta eru allt erfiðir leikir og við verðum bara að vera tilbúnar fyrir það“

Leikurinn var mjög jafn lengst af og var staðan jöfn þegar fjórði leikhluti fór af stað en sterkur varnarleikur skilaði að lokum sigri fyrir Grindavík.

„Það var styrkur okkar varnarlega. Við áttuðum okkur á því að við yrðum að trufla þær aðeins og fá þær til þess að hætta að gera það sem þær vildu. Við vorum að leyfa þeim að spila nokkuð þægilega en við stigum aðeins upp í pressunni okkar og það skilaði sér í sókninni“

Emilie Hesseldal fór meidd af velli undir lok fyrri hálfleiks.

„Hún er ekki bara frábær leikmaður fyrir okkur heldur einnig ein okkar besti leiðtogi og það auðvitað hefur áhrif á liðið. Vonandi er í lagi með hana og hún kemst fljótt aftur út á völl“

Grindavík eru núna einar á toppi deildarinnar með fullt hús.

„Já en það er enn svo snemmt og við höfum ekki áorkað neinu ennþá. Við þurfum bara að halda áfram og taka einn leik í einu“




Fleiri fréttir

Sjá meira


×