Metfjöldi á­rekstra í ófærðinni í gær og Vélfagsmenn tóku yfir fund Við­reisnar

Við ræðum meðal annars við framkvæmdastjóra árekstur.is sem segir að sjaldan eða aldrei hafi verið jafn mikið að gera. Það komi sér vel að dagurinn í dag hafi verið rólegur svo hægt sé að vinna sig í gegnum skaflinn af tjónstilkynningum.

Við heyrum einnig í veðurfræðingi um framhaldið og hvort von sé á viðlíka ástandi á næstunni. 

Þá fjöllum við um hin umdeildu viðskipti Ríkislögreglustjóra við fyrirtækið Intra-ráðgjöf en lögreglustjóri var kölluð á teppið hjá dómsmálaráðherra í morgun vegna málsins. 

Að auki segjum við frá fundi sem Viðreisn stóð fyrir á Akureyri í gærkvöldi en þangað mættu starfsmenn Vélfags og tóku fundinn eiginlega yfir. 

Í sportpakka dagsins verður landsleikur kvennalandsliðsins til umfjöllunar en hann fer fram á Þróttaravellinum í kvöld í stað Laugardalsvallar, vegna snjókomunnar.