Fram­kvæmda­stjóri Lyfjavals hættur

Rakel réð sig til Lyfjavals sem rekur sex apótek í Reykjavík, Kópavogi, Reykjanesbæ og Selfossi fyrr á árinu og staldrar því stutt við. Gréta María Grétarsdóttir framkvæmdastjóri Prís hætti sömuleiðis störfum í vikunni en Prís og Lyfjaval heyra undir Drang sem er að stórum hluta í eigu fjárfestingafélagsins Skeljar.

Rakel hefur komið víða við í verslunar- og veitingahúsarekstri undanfarin ár. Hún og maður hennar ráku útivistarverslanirnar Mt. Hekla og Geysi í miðbæ Reykjavíkur á sínum tíma. Þá voru þau hluti af teymi sem kom Hagavagninum í Vesturbæ Reykjavíkur á koppinn.

Rakel vildi ekkert ræða starfslok þín að öðru leyti en að staðfesta þau.

Auður Daníelsdóttir, forstjóri Drangs, segir í skriflegu svari til Vísis að nýr framkvæmdastjóri taki við störfum hjá Lyfjavali á nýju ári. Fram kom í gær að við brotthvarf Grétu Maríu hjá Prís færi verslunin undir það svið sem Svanur Valgeirsson framkvæmdastjóri hjá Samkaupum stýrir í dag.