Innan­lands­flugi af­lýst

Á vefsíðu Isavia má sjá að þremur af fjórum flugferðum dagsins hefur verið aflýst. 

Veðurstofa Íslands hefur gefið út gular og appelsínugular veðurviðvaranir víða um land í dag. Á Norðurlandi er appelsínugul veðurviðvörun í gildi og á Vestfjörðum er gul viðvörun. 

Farþegar sem voru á leið til Akureyrar fengu skilaboð í gær frá Icelandair þar sem varað var við að útlit væri fyrir að flugferðin yrði fyrir truflunum. Þeim var boðið að breyta bókuninni og fljúga fyrr, þeim að kostnaðarlausu.

Á hádegi tekur gul veðurviðvörun gildi á Austurlandi en áætlað er að flugvél snúi aftur frá Egilsstöðum rétt eftir hádegi.