Rann­saka á­sakanir á hendur Iglesias

Fjölmiðlar hafa sagt frá ásökunum tveggja kvenna sem unnu fyrir Iglesias á heimilum hans í Dóminíska lýðveldinu og Bahama-eyjum að hann hefði ráðist á þær í janúar og október árið 2021.

AP-fréttastofan hefur eftir saksóknurum á Spáni að þeim hafi borist formleg kæra frá ónefndum aðila 5. janúar. Iglesias geti mögulega verið kallaður fyrir dómara í Madrid þrátt fyrir að brotin hafi verið framin utan Spánar.

Iglesias er 82 ára gamall og plötur hans hafa verið seldar í hundruð milljóna tali undanfarna áratugi. Hann er faðir Enrique Iglesias sem er einnig poppstjarna.