Aug­lýsa forskráningu í skóla í Grinda­vík

Í tilkynningu á heimasíðu Grindavíkurbæjar segir að markmiðið með forskráningu í leik- og grunnskóla bæjarins sé að kanna raunverulega eftirspurn og hvort raunhæft sé að halda úti skólastarfi í bænum næsta haust.

Ákvörðunin um að hefja skólahald að nýju verði ekki tekin nema næg þátttaka fáist til að halda úti faglegu skólastarfi í öruggu umhverfi. 

Skráningin sé ekki bindandi og stendur yfir til og með 15. febrúar.

Ekki hefur verið skólahald í Grindavíkurbæ í tæp þrjú ár. Tíð eldgos leiddu til þess að fjöldi íbúa yfirgaf bæinn en um níu hundruð eru með lögheimili sitt skráð í Grindavík en ekki nema fjögur hundruð þeirra eru með fasta búsetu þar.