Brunaði niður brekkuna viku eftir að hafa slitið kross­band

Sam­félags­miðla­reikningur Vetrarólympíu­leikanna, sem settir verða í dag, birtu mynd­band af æfinga­ferð Vonn í brautinni í dag, tveimur dögum áður en hún mætir til leiks á Vetrarólympíu­leikunum.

Kross­bands­slit halda íþrótta­fólki vana­lega frá keppni í 9-12 mánuði en hin 41 árs gamla Vonn vildi ekki láta það stoppa sig í að keppa á Vetrarólympíu­leikunum sem væntan­lega verða hennar síðustu leikar á ferlinum.

Vonn hefur lagt á sig gríðar­lega vinnu við að komast aftur í allra fremstu röð, eftir fimm ára hlé 2019-24 og hnjá­skiptiað­gerð, og er efst í stiga­keppninni í bruni á heims­bikar­mótaröðinni í vetur.

Síðan að hún sleit kross­band hefur Vonn lagt mikið á sig í endur­hæfingu og allan tímann haft fulla trú á því að hún gæti tekið þátt á komandi leikum. Hins vegar var æfingin í dag í fyrsta skipti sem hún gat al­menni­lega látið reyna á stöðuna í brekkunni.

NBC frétta­veitan fylgdist með Vonn bruna niður brekkuna í Cortina í dag og segir hana hafa skartað breiðu brosi eftir að hafa komist í mark.