Tveir fluttir á sjúkra­hús eftir harka­legt slys

Grand Prix Nýja-Sjálands á Sail GP-mótaröðinni fór fram í gær en slysið setti skugga á keppnina. Blaðamenn á svæðinu segja slysið vera á meðal þeirra verri sem sést hafa í keppnum sem slíkum en bátur nýsjálenska liðsins kipptist til, snerist 90 gráður, og skaust á bát Frakka á um 100 kílómetra hraða.

Tveir voru fluttir á sjúkrahús eftir slysið en enginn í lífshættu. Louis Sinclair úr liði Nýja-Sjálands var annar þeirra sem fór á sjúkrahús en hann þurfti að undirgangast aðgerð vegna beinbrots í hægri fótlegg en braut einnig vinstri fótinn.

Manon Audinet úr liði Frakka kipptist harkalega til í stýriklefa franska bátsins með þeim afleiðingum að stýri bátsins mölbrotnaði. Hún er líkt og Sinclair á spítala en úr lífshættu.

Ástralir fögnuðu sigri í keppninni er hún gat haldið áfram eftir langa bið meðan gert var að Nýsjálendingum og Frökkum eftir slysið.

Bátur nýsjálenska liðsins er gjörónýtur og herma fréttir að engin leið sé fyrir liðið að taka þátt í næstu keppni í mótaröðinni sem fram fer í Ástralíu eftir tvær vikur.