Vinna að nýrri mæliaðferð eftir „typpahneykslið“

Þetta segir yfireftirlitsmaður sambandsins, Mathias Hafele, í viðtali við þýska stórblaðið Bild.

Bild hefur áður birt fréttir um að nokkrir skíðastökkvarar hafi gripið til sprautunálar til að auka stærð typpa sinna.

Nú segir yfireftirlitsmaðurinn Hafele að yfirmenn skíðastökksdeildar FIS taki þetta mjög alvarlega.

„Við erum þegar byrjuð að vinna á bak við tjöldin að aðferðum til að leysa þetta erfiða vandamál,“ segir Hafele við blaðið.

Ekki lengur hægt að svindla

Hafele segir enn fremur að FIS vinni að mæliaðferðum sem byggja á beinagrind og beinabyggingu stökkvaranna. Þá verður ekki lengur hægt að svindla á eftirlitinu með því að breyta mjúkvef eins og typpinu sínu.

„Við viljum koma nýrri mæliaðferð á fyrir byrjun næsta tímabils. Við hjá FIS vinnum náið með hinum ýmsu þjóðum. Við samræmum okkur einnig við læknanefndina,“ segir yfireftirlitsmaðurinn.

Sláandi ásakanir komu fyrst fram í þýska dagblaðinu Bild í því sem nú hefur verið kallað „penisgate“ eða „typpahneykslið“.

Bild hefur haldið því fram að íþróttamenn hafi sprautað sýrunni í typpin sín til að svindla á kerfinu þegar þeir eru mældir fyrir búninga sína. Það er háð ströngu eftirliti til að koma í veg fyrir að nokkur íþróttamaður hafi loftaflfræðilegt forskot.

Notað í lýtalækningum

„Hýalúrónsýra er algengt fylliefni sem notað er í lýtalækningum, þar á meðal sprautur sem notaðar eru við aðgerðir til að auka ummál typpa,“ sagði prófessor Eric Chung, þvagfæraskurðlæknir,

Að sprauta hýalúrónsýru í typpið myndi gera það sverara „en þú þyrftir að sprauta miklu af hýalúrónsýru,“ sagði Chung, sem áður var leiðtogi sérfræðiráðgjafahóps í karlfræði fyrir Þvagfélag Ástralíu og Nýja-Sjálands.

Hýalúrónsýra hefur tímabundin áhrif og þarf að endurnýja hana á sex til tólf mánaða fresti eftir því hvernig agnirnar frásogast og færast til, sagði Chung.

Gætu missti typpið

Chung varar við því að það fylgi veruleg áhætta því að sprauta hýalúrónsýru í getnaðarlim, bæði til skamms og langs tíma.

„Röng spraututækni eða rangur skammtur getur valdið sársauka í getnaðarlim, lýti, afmyndun, sýkingu, bólgu, skynbreytingum og kynlífsvanda. Í sjaldgæfum tilfellum getur sýking breiðst út og valdið drepi (vefjadauða) og missi getnaðarlimsins,“ sagði Chung.