Ná sátt og geta haldið kjara­við­ræðum á­fram

Hún segir ekki mögulegt að greina frá innihaldi sáttarinnar en að um sé að ræða útistandandi atriði úr samningum frá árinu 2020. Frétt FF7. 

Hún segir kjaraviðræður félagsins við Icelandair nú geta haldið áfram en kjarasamningar FÍA hafa verið lausir frá því í haust. Kjarasamningar Icelandair við bæði flugmenn og flugfreyjur hafa verið lausir frá því í lok september í fyrra. Núna um áramótin runnu sömuleiðis út kjarasamningar flugvirkja við Icelandair.

FÍA vísaði deilum sínum við Icelandair um starfslokasamningana til Félagsdóms en þar var málinu vísað frá á þeim grundvelli að kröfurnar væru ekki hluti af kjarasamningi. Félagið gerði hlé á kjarasamningsviðræðum á meðan þessari málshöfðun stóð. Hæstiréttur staðfesti síðar úrskurð Félagsdóms.

Í frétt á vef Innherja í gær kom fram að síðasti formlegi samningafundur hafi verið haldinn 29. desember en að nokkrir óformlegir fundir hefðu verið haldnir frá þeim tíma.