Hútar skjóta eld­flaugum að Ísrael

Ísraelar staðfesta að þeir hafi skotið niður flugskeyti Húta samkvæmt Reuters. Hútarnir sögðust hafa ráðist á Ísrael vegna árása þeirra á Íran, Líbanon, Írak og Palestínu. Þeir ætli að halda áfram þar til Ísraelar hætta árásum sínum.

Snemma í morgun tilkynnti Ísraelsher um að eftirlitskerfi sitt hafði greint eldflaug skotið í átt að Ísrael frá Jemen. 

Yahya Saree talsmaður Húta gaf út yfirlýsingu á dögunum þar sem fram kom að Hútar væru með „fingurinn á gikknum“. Gengjust aðrar þjóðir til liðs við Bandaríkjamenn og Ísraela í árásum sínum á Íran eða aðrar þjóðir á svæðinu mættu þær vænta árása frá Hútum.

Að því er Yahya Saree segir í yfirlýsingu sinni var skotmark árásanna „mikilvægir hernaðarinnviðir“ í suðurhluta Ísraels. Gengjust Hútar til liðs við Írani gætu þeir ógnað skipaflutningum um Rauðahaf.