Í afar erfiðum málum eftir stórt tap

Fredericia stjórnaði ferðinni í leik kvöldsins frá upphafi til enda og náði mest tíu marka forystu gegn þýska úrvalsdeildarfélaginu. 

Íslendingarnir í liði Melsungen höfðu hægt um sig í leik kvöldsins. Reynir Þór Stefánsson skoraði eitt mark og Arnar Freyr Arnarsson komst ekki á blað. 

Melsungen á ærið verkefni fyrir höndum í seinni leik liðanna í Þýskalandi eftir viku. Sex marka forskot Fredericia sem liðið þarf að vinna upp. Ekki óyfirstíganlegt verkefni en erfitt þó. 

Á sama tíma í sömu keppni tapaði Elverum með tólf mörkum gegn Montpellier í fyrri leik liðanna í Frakklandi. Tryggvi Þórisson skoraði tvö mörk í liði Elverum í kvöld og lagði upp eitt mark. Norska liðið þarf á kraftaverki að halda í seinni leiknum til að halda lífí í keppninni.