Íslenski boltinn

Meistarakeppni kvenna í fót­bolta af­lýst vegna veðurs

Sesselja Ósk Gunnarsdóttir skrifar
Það var allt reynt til þess að gera hliðarlínurnar sýnilegar.
Það var allt reynt til þess að gera hliðarlínurnar sýnilegar. Hulda Margrét

Leik Breiðabliks og FH í Meistarakeppni kvenna í fótbolta var aflýst í dag vegna veðurs. Leiknum var fyrst um sinn frestað um korter vegna mikillar snjókomu en eftir að liðin höfðu spilað í átta mínútur var leikurinn stöðvaður.

Meistarakeppnin er árlegur viðburður þar sem ríkjandi Íslands- og bikarmeistarar mæta í leik til þess að útkljá hverjir séu meistarar meistaranna. Breiðablik er hins vegar bæði ríkjandi Íslands- og bikarmeistarar. Árangur FH á síðasta tímabili veitti liðinu þátttökurétt í Meistarakeppninni þetta árið.

Leikurinn í dag var til styrktar Kolfinnu Rán Færseth. Kolfinna er fótboltastelpa fædd árið 2013 en hún berst við krabbamein. Allur ágóði af leiknum rennur óskiptur til Kolfinnu.

Reikningur Kolfinnu: 0702-15-190113 Kt.190113-2210 #FyrirKolfinnu

Hulda Margrét

Leiknum var fyrst um sinn frestað um 15 mínútur og á meðan voru tveir traktorar að skafa völlinn. Það bar hins vegar lítinn árangur.

Stöðufundurinn kl 14:00 þegar leikurinn átti að hefjast en þá var tekin ákvörðun um að fresta upphafsflautinu um korter.Hulda Margrét
Traktorarnir reyndu sitt besta í dag.Hulda Margrét

Línur á vellinum voru hvergi sjáanlegar og voru menn út um allan völl að reyna skafa markmannsteiginn og hliðarlínurnar á meðan leik stóð.

Það voru allir að reyna sitt allra besta.Hulda Margrét
Vægast sagt slæmar aðstæður til þess að spila fótbolta í.Hulda Margrét
Steinunn Erna, markvörður FH, varði frábærlega í þrígang á fyrstu mínútum leiksins.Hulda Margrét

Eftir um átta mínútur var leikurinn stöðvaður þar sem fyrirliðar liðanna ræddu saman við dómara leiksins og ákvörðun var tekin um að fresta leiknum um korter í viðbót og taka svo stöðuna.

Þjálfarar liðanna ræða sín á milli.Hulda Margrét

Áfram hélt að kyngja niður snjó og snjómokstur bar engan árangur. Niðurstaðan því sú að leikurinn verði spilaður sólarhring síðar eða á morgun föstudaginn langa kl 14:00 á Kópavogsvelli.

Varamannabekkur FH stytti sér stundir á meðan stöðufundur fór fram.Hulda Margrét
Eini afrakstur dagsins ef svo má segja.Hulda Margrét
Fótbolti FH Breiðablik

Mest lesið


Fleiri fréttir

Sjá meira


×

Mest lesið