Gaf heila eigin­mannsins og hann var með CTE

McMichael, sem var tekinn inn í frægðarhöllina og var lykilmaður í yfirburðavörn Chicago Bears sem vann Super Bowl árið 1985, var með langvinnan áverkaheilakvilla (CTE), að sögn Concussion & CTE Foundation.

McMichael lést á síðasta ári, aðeins 67 ára að aldri, eftir fimm ára baráttu við ALS, almennt þekktan sem Lou Gehrig-sjúkdóminn.

Gaf heila Steve til rannsókna

„Of margir NFL-leikmenn fá ALS á lífsleiðinni og eru greindir með CTE eftir dauðann,“ sagði eiginkona hans, Misty McMichael, í yfirlýsingu sem stofnunin gaf út. „Ég gaf heila Steve til að hvetja til nýrra rannsókna á tengslum þessara sjúkdóma.“

CTE er hrörnunarsjúkdómur í heila sem hefur fundist hjá íþróttafólki í snertiíþróttum, hermönnum og öðrum sem verða fyrir endurteknum höfuðhöggum. Vitað er að sjúkdómurinn getur valdið ofsafengnum skapsveiflum, hvatvísri hegðun og þunglyndi.

Aðeins er hægt að greina hann eftir dauða.

Samkvæmt rannsókn frá 2021 hjá Harvard Medical School og Boston University CTE Center eru NFL-leikmenn meira en fjórum sinnum líklegri til að fá ALS en aðrir karlmenn. „Það eru sterkar vísbendingar sem tengja endurtekin heilaáföll og ALS,“ sagði Dr. Ann McKee, forstöðumaður Boston University CTE Center.

Tekinn inn í heiðurshöllina fyrir tveinur árum

McMichael var tvívegis valinn í úrvalslið tímabilsins og tekinn inn í heiðurshöll ameríska fótboltans árið 2024. Hann var þekktur sem „Mongo“ og „Ming The Merciless“ á meðan hann spilaði metfjölda leikja fyrir félagið, 191 leik í röð frá 1981–93. Hann er í öðru sæti á eftir Richard Dent á lista Bears yfir flestar leikmannafellingar á ferlinum með 92,5.'

McMichael lék sitt síðasta tímabil í NFL-deildinni með Green Bay árið 1994 og hóf síðan feril í atvinnuglímu.

Árið 2021 greindi McMichael frá því að hann væri að berjast við ALS, sem hefur áhrif á taugafrumur í heila og mænu og veldur tapi á vöðvastjórn. Hann fylgdist með rannsóknum sem leituðu að tengslum milli ALS og CTE og hét því að gefa heilann sinn til rannsókna, að sögn Chris Nowinski, meðstofnanda og forstjóra Concussion & CTE Foundation.

Síðasta verkið að gefa hluta af sjálfum sér

„Steve McMichael var þekktur fyrir styrk sinn, hörku og yfirþyrmandi nærveru, en hans síðasta verk var að gefa hluta af sjálfum sér aftur til íþróttasamfélagsins svo við gætum átt möguleika á að bjarga okkur sjálfum,“ sagði Nowinski.

„Ég kann að meta alla fyrrverandi íþróttamenn, þar á meðal marga af liðsfélögum Steve úr '85 Bears-liðinu, sem safna fé og bjóða sig fram til að taka þátt í CTE-rannsóknum svo við getum skapað bjartari framtíð fyrir íþróttafólk alls staðar.“