Ís­lensku stelpurnar skoruðu þremur mörkum færri en Danir en unnu samt

Tvö af mörkunum sem hjálpuðu Íslandi voru nefnilega sjálfsmörk Dana og þriðja markið skoraði Ragnheiður Þórunn Jónsdóttir.

Ísland komst yfir með sjálfsmarki á 19. mínútu en Danir jöfnuðu úr víti rétt fyrir hálfleik. Ragnheiður kom Íslandi yfir á ný í upphafi seinni hálfleiks og seinna sjálfsmark Danmerkur kom svo á 57. mínútu áður en þær dönsku náðu að minnka muninn á 77. mínútu en þar við sat.

Leikið var í Serbíu en þar er riðill Íslands spilaður í þessari seinni umferð undankeppninnar. Ísland hafði gert 1-1 jafntefli við Finnland í fyrsta leik en Danmörk unnið 1-0 sigur gegn Serbíu. Íslensku stelpurnar eru því búnar að koma sér í afar spennandi stöðu fyrir lokaleik sinn við heimastelpur, á miðvikudaginn.