Bombur landsins fóru í bíó, bað og barre

Viðburðurinn hófst í World Class Kringlunni þar sem gestum var boðið að taka þátt í heitri barre-æfingu. Að henni lokinni var farið út á slökunarsvæði stöðvarinnar þar sem gestir nutu þess að fara í pott og gufu, auk þess að prófa nærandi vörur á borð við skrúbb og maska.

Gestir fóru síðan í þægilegri klæðnað, fóru upp á næstu hæð í Ásberg, lúxussal Sambíóanna í Kringlunni, þar sem þeirra beið sérstök forsýning á The Devil Wears Prada 2.

Þar gæddu gestir sér á grautum frá World Class+ ásamt hefðbundnu bíópoppi og hinum ýmsu drykkjum. Markmið viðburðarins var að kynna nýja nálgun á samveru og afþreyingu, þar sem hægt er að sameina hreyfingu, sjálfsrækt og skemmtun í einni heildstæðri upplifun.

Ljósmyndarinn Arnór Trausti fangaði stemminguna á þessum skemmtilega viðburði.