Emily in Paris-stjarna látin

Franskir fjölmiðlar greina frá andlátinu og vísa í tilkynningu frá dætrum Deny, en hann lést af völdum ALS.

Deny fór með hlutverk Louis de Léon í þáttunum Emily in Paris sem skartar leikkonunni Lily Collins í aðalhlutverki. Persóna Deny var forstjóri tískurisans JVMA og birtist í þriðju og fjórðu þáttaröðinni.

ALS er hreyfitaugungahrörnunarsjúkdómur og algengasta form MND-sjúkdómsins hjá fullorðnum og leiðir til máttleysis og lömunar.

Í Emily in Paris var persóna Deny, pabbi Nicholas de Leon, leikinn af Paul Forman, en sá átti í sambandi við Mindy Chen, bestu vinkonu Emily, sem leikin var af Ashley Park.

Fyrr í ár greindi Netflix frá því að sjötta þáttaröð Emily in Paris, sem nú er verið að taka upp í Grikklandi, yrði sú síðasta.

Áður hafði Deny meðal annars birst í rúmlega fimm hundruð þáttum af frönsku sápuóperunni Demain nous appartient, auk þess að fara með hlutverk í þáttum á borð við Joséphine og Profiling.